دەنساۋلىق • 26 ناۋرىز، 2023

كورەر جارىعى بار ەكەن

98 رەت كورسەتىلدى

پاۆلودارلىق اق جەلەڭدىلەر جاڭا تۋعان ءسابيدىڭ ءومىرىن ساقتاپ قالدى. شاقالاقتىڭ اسقورىتۋ جانە ىشەك مۇشەلەرى اناسىنىڭ قۇرساعىندا جاتقاندا تولىققاندى جەتىلمەي، تۋعان ساتتە دەنساۋلىعىنان اۋىتقۋلار بايقالعان.

وڭىرلىك دەنساۋلىق ساقتاۋ باسقار­ما­سىنىڭ مالىمەتىنشە، نارەستە دۇ­نيەگە كەلگەندە ونىڭ وڭەشىنىڭ دۇرىس دامىماعانى، اينالشىق ساڭى­لاۋىنىڭ بولماۋى جانە تىك ىشە­گىنىڭ ادەتتەگىدەن ءوسىپ كەتكەنى باي­قال­عان. دارىگەرلەر بالانى بىردەن پەري­ناتالدىق ورتالىقتان وبلىستىق با­لا­لار اۋرۋحاناسىنا جەتكىزىپ، جەدەل تۇردە وپەراتسيا جاسادى.

– دارىگەرلەر وپەراتسيا بارىسىندا ءسابي وڭەشىنىڭ تومەنگى جاعىن اسقا­زانمەن بايلانىستىرىپ، تىك ىشەك ارقىلى اينالشىق ساڭىلاۋىن جا­سادى. قازىرگى كۇنى اعزانىڭ ومىرلىك ماڭىزدى قىزمەتتەرى قالپىنا كەلىپ، ءسابي ءوزىن جاقسى سەزىنىپ جاتىر. بالانىڭ ومىرىنە تونگەن قاۋىپ جوق، – دەيدى باسقارمانىڭ ءباسپاسوز حات­شىسى ماقپال قارجاۋباي.

مەديتسينا قىزمەتكەرلەرىنىڭ اي­تۋىنشا، پەدياترياداعى وڭەشتىڭ بى­تەۋلىگى ءتۋابىتتى اۋرۋلاردىڭ ىشىن­دەگى ەڭ اۋىر تۇرلەرىنە جاتادى. حيرۋرگيالىق وپەراتسيا جەدەل تۇردە جاسالماسا، اعزانىڭ ومىرشەڭدىگىن ساقتاپ قالۋعا مۇمكىندىك بولا بەر­مەيدى. مۇنداي اۋىتقۋلار مەدي­تسي­نالىق كومەك دەر كەزىندە كورسەتىلمەسە، سابيلەردىڭ ولىمىنە الىپ كەلەدى. ياعني وپەراتسيا العاشقى 36 ساعات ىشىندە جۇرگىزىلۋى كەرەك. وڭەش بىتەۋلىگى جاڭا تۋعان بالالاردىڭ 0،1-0،4 پايىزىندا كەزدەسەدى ەكەن. ال اينالشىق اۋىت­قۋى 5 مىڭ ءسابيدىڭ بىرەۋىنەن تابىلۋى مۇمكىن. 2021 جىلى وبلىستىق با­لالار اۋرۋحاناسىندا وڭەش بىتەۋلىگى بويىنشا – 1، ال بىلتىر 5 جاعداي تىركەلىپتى.

جالپى، بالانىڭ ءتۇرلى اۋىتقۋ­مەن دۇنيەگە كەلۋى كوبىنە اناسى­نىڭ دەنساۋلىعىنا جانە جاعىمسىز ەكولوگيالىق جاعدايعا بايلانىستى ەكەنىن ايتادى اق جەلەڭدىلەر. ماسەلەن، دەنساۋلىق ساقتاۋ مينيسترلىگى ۇسىن­عان رەسمي ستاتيستيكاعا سۇيەن­سەك، پاۆلودار وبلىسىندا تەمىر­تاپ­شىلىقتى انەميا دياگنوزى قويىل­عان جۇكتى ايەلدەردىڭ ۇلەسى 48،4 پايىز­دى قۇراعان. بۇل كورسەتكىش بو­يىنشا ءوڭىرىمىز رەسپۋبليكادا ەكىن­شى ورىندا تۇر. دارىگەرلەر جۇك­تىلىك كەزىندە دۇرىس كۇتىنبەۋ، جەتكىلىكتى تاماقتانباۋ، زياندى ادەت­تەرگە جول بەرۋ بالانىڭ ءتۋابىتتى اۋىت­قۋ­شىلىعىنا اپارىپ سوعاتىنىن ەسكەرتەدى.

 

پاۆلودار وبلىسى 

سوڭعى جاڭالىقتار

تسيفرلىق ساۋاتتىلىق - زامان تالابى

يننوۆاتسيا • 26 مامىر، 2023

دوللار ارزاندادى

ەكونوميكا • 26 مامىر، 2023

الەمدەگى ەڭ ۇلكەن كىتاپحانا

ادەبيەت • 26 مامىر، 2023

بيىل 36 سپورت كەشەنى سالىنادى

سپورت • 26 مامىر، 2023

اۋدانعا جاردەمدەسىپ، العىس الدى

قازاقستان • 26 مامىر، 2023

مۇمكىندىگى مول موبيلوگرافيا

يننوۆاتسيا • 26 مامىر، 2023

ۇقساس جاڭالىقتار