ۇلتتىق ەكونوميكا ءبىرىنشى ۆيتسە-ءمينيسترى تيمۋر جاقسىلىقوۆ «تازا پاراقتان» رەتتەۋدى ەنگىزۋدى جانە بيزنەس سۋبەكتىلەرىن مەملەكەتتىك باقىلاۋ مەن قاداعالاۋ جۇيەسىن اۆتوماتتاندىرۋدى ىسكە اسىرۋ بارىسى تۋرالى باياندادى.
ءتيىستى راسىمدەردەن وتكەننەن كەيىن تۇزەتۋلەردى بيزنەستى جۇرگىزۋ ماسەلەلەرى جونىندەگى زاڭ جوباسىنا ەنگىزۋ جوسپارلانىپ وتىر.
وتكەن جىلدان باستاپ رەتتەۋشى مەملەكەتتىك ورگاندار زاڭعا تاۋەلدى اكتىلەرگە قويىلاتىن تالاپتاردى جويۋ جانە قايتا قاراۋ بويىنشا بەلسەندى تۇردە جۇمىس جۇرگىزۋدە. ۇلتتىق ەكونوميكا مينيسترلىگى اپتا سايىن مونيتورينگ جۇرگىزەدى.
مەملەكەت باسشىسىنىڭ باسەكەگە قابىلەتتى شاعىن جانە ورتا كاسىپكەرلەردى انىقتاۋ ءۇشىن بازالىق ولشەمشارتتارىن ەنگىزۋ جونىندەگى تاپسىرمالارىن ورىنداۋ ماقساتىندا مەملەكەتتىك قولداۋ شارالارىن الۋشىلار ءۇشىن ەڭبەكاقى قورىنىڭ ءوسۋى جانە سالىق اۋدارىمدارىنىڭ ۇلعايۋى بويىنشا قارسى مىندەتتەمەلەر ەنگىزىلدى.
سونداي-اق كەڭەسكە قاتىسۋشىلار «ۇلتتىق قور – بالالارعا» جوباسىنىڭ ىسكە اسىرىلۋ بارىسىن قاراستىردى. قارجى مينيسترلىگىنىڭ اقپاراتىنا سايكەس جوبانى ىسكە اسىرۋ ءۇشىن زاڭنامالىق تۇزەتۋلەر ازىرلەنۋدە.
سونىمەن قاتار كەڭەستە عىلىم جانە جوعارى ءبىلىم مينيسترلىگىنىڭ «كەلەشەك» ءبىلىم بەرۋ جيناقتاۋ جۇيەسىن ىسكە قوسۋدىڭ جاڭا تەتىگىن ەنگىزۋ جونىندەگى ۇسىنىستارى قارالدى.
كەڭەس قورىتىندىسى بويىنشا ەرۇلان جاماۋباەۆ مەملەكەتتىك ورگاندارعا بىرقاتار تاپسىرما بەردى.
