«اقتاۋ گارنيزونىندا ساپاسىز تاماقتاندىرۋدى ۇيىمداستىرۋعا قاتىستى 2023 جىلعى 2 ناۋرىزدا قورعانىس مينيسترلىگىنىڭ ارنايى كوميسسياسى تەكسەرىس جۇرگىزگەن بولاتىن. ماڭعىستاۋ وبلىسى اكىمىنىڭ كەڭەسشىسى, «انا جۇرەگى» قوعامدىق بىرلەستىگىنىڭ مۇشەسى ماحانبەت جاقسىگۇلمەن, اقتاۋ قالاسىنىڭ تاۋەلسىز بلوگەرى رامازان بيبىگۇلمەن بىرلەسىپ جۇرگىزگەن كوميسسيا جۇمىسى كەزىندە ازىق-ت ۇلىكتە قۇرت بار تۋرالى اقپارات راستالمادى. اقتاۋ گارنيزونى پروكۋرورىنىڭ قاتىسۋىمەن مەرزىمدى قىزمەتتەگى اسكەري قىزمەتشىلەرمەن اڭگىمەلەسۋ كەزىندە جەكە قۇرام اس ىشەتىن اسحانالاردا جاندىكتەردىڭ بولۋىن ءبىراۋىزدان جوققا شىعاردى», دەلىنگەن رەسمي مالىمەتتە.
مينيسترلىك مالىمەتىنشە, اسكەري قىزمەتشىلەر اراسىندا ازىرگە ەشكىم ازىرلەنگەن تاعامعا قاتىستى شاعىم تۇسىرمەگەن.
«ماقالادا ايتىلعان زاڭسىزدىقتار تۋرالى مالىمەتتەر شىندىققا سايكەسپەيدى. قازىرگى ۋاقىتتا قورعانىس مينيسترلىگىنىڭ ۆەتەريناريالىق جانە سانيتاريالىق-ەپيدەميولوگيالىق قىزمەتتەرىنىڭ ماماندارى تاماقتانۋدى ۇيىمداستىرۋدى باقىلاۋ سالاسىنداعى ۋاكىلەتتى ورگاندار بولىپ تابىلادى. ولار وتكەن جىلى 300-دەن استام تەكسەرۋ جۇرگىزىپ, ءتورت تاماقتانۋدى ۇيىمداستىرۋشىعا قاتىستى سوتقا تالاپ ارىزدار بەرگەن ەدى. سوت ناتيجەسىندە جەڭىسكە جەتىپ, مەملەكەت كىرىسىنە 11 ملن تەڭگەدەن استام سوماعا ايىپپۇل سانكتسيالارى ءوندىرىلدى», دەپ جازىلعان مينيسترلىك مالىمەتىندە.
