بۇل تۋرالى «اشىق» نقا پورتالىندا جاريالانعان ۇكىمەت قاۋلىسىنىڭ جوباسىندا ايتىلعان.
قازاقستان رەسپۋبليكاسى ۇكىمەتىنىڭ 2019 جىلعى 10 شىلدەدەگى № 497 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2019 جىلعى 10 شىلدەدەگى № 497 قاۋلىسىنا كەلەسى وزگەرىستەر مەن تولىقتىرۋلار ەنگىزۋ كوزدەلگەن:
- قازاقستاننىڭ دۇنيەجۇزىلىك ساۋدا ۇيىمىنىڭ مۇشەلىلىگىنە بايلانىستى ماسەلەلەر بويىنشا ساۋدا قىزمەتiن رەتتەۋ سالاسىنداعى ۋاكىلەتتى ورگاننىڭ مەملەكەتتىك ورگاندارمەن جانە اكتسيالارىنىڭ 50 جانە ودان دا كوپ پايىزى مەملەكەتكە تيەسىلى كۆازيمەملەكەتتىك سەكتور سۋبەكتىلەرىمەن ءوزارا ءىس-قيمىل جاساسۋ ءتارتىبىن ايقىنداۋ;
- ءۇشىنشى تاراپتىڭ قازاقستاننان شىعاتىن تاۋارلارعا قاتىستى ساۋدا شارالارىن جانە قاۋىپسىزدىك پايىمداۋلارى بويىنشا شارالاردى قولدانۋى الدىندا تەرگەپ-تەكسەرۋ جۇرگىزىلگەن جاعدايدا مەملەكەتتىك ورگاندارىنىڭ ءوزارا ءىس-قيمىل جاساۋ ءتارتىبىن ايقىنداۋ;
- ۇلتتىق قاۋىپسىزدىك مۇددەلەرى نەگىزگە الا وتىرىپ ەنگىزىلەتىن شارالاردى ازىرلەۋ كەزىندە مەملەكەتتىك ورگاندارىنىڭ ءوزارا ءىس-قيمىل جاساۋ ءتارتىبىن ايقىنداۋ;
- ستاندارتتاۋ سالاسىنداعى مەملەكەتتiك ساياساتتىڭ نەگiزگi باعىتتارىن قالىپتاستىرۋ, ىسكە اسىرۋ جانە ولاردىڭ جۇزەگە اسىرىلۋىن ۇيىمداستىرۋ;
- ەۋرازيالىق ەكونوميكالىق وداققا مۇشە مەملەكەتتەرگە قاتىستى وتەماقى شاراسىن قولدانۋدىڭ ورىندىلىعى تۋرالى قورىتىندى دايىنداۋ ماقساتىندا تەرگەپ-تەكسەرۋ جۇرگىزۋ شارتتارى مەن ءتارتىبىن ايقىنداۋ;
- ساۋدا بازارلارىنىڭ قىزمەتىن ۇيىمداستىرۋ قاعيدالارىن, ساۋدا بازارىنىڭ اۋماعىن كۇتىپ-ۇستاۋعا, ونى جابدىقتاۋعا جانە جاراقتاندىرۋعا قويىلاتىن تالاپتاردى بەكىتۋ;
- حالىقتى الەۋمەتتىك قورعاۋ سالاسىنداعى ۋاكىلەتتى ورگاننىڭ كەلىسىمى بويىنشا الەۋمەتتىك ماڭىزى بار ازىق-ت ۇلىك تاۋارلارىنىڭ تىزبەسىن بەكىتۋ;
- ساۋداداعى تەحنيكالىق كەدەرگىلەر, سانيتارلىق جانە فيتوسانيتارلىق شارالار جونىندەگى اقپاراتتىق ورتالىقتى قۇرۋ جانە ونىڭ جۇمىس ىستەۋ ءتارتىبىن ايقىنداۋ;
- تاۋارلاردى تاڭبالاۋ مەن ولاردىڭ قاداعالانۋى سالاسىنداعى سالالىق ۋاكىلەتتى مەملەكەتتىك ورگاندار ايقىندايتىن تاۋارلاردى تاڭبالاۋدا قولدانىلاتىن باقىلاۋ بەلگىسى, سايكەستەندىرۋ قۇرالى قۇنىنىڭ شەكتى مولشەرىن كەلىسۋ;
- تۇتىنۋشىلاردىڭ قۇقىقتارىن قورعاۋ جونىندەگى ۆەدومستۆوارالىق كەڭەس قۇرۋ.
قۇجات 7 ساۋىرگە دەيىن كوپشىلىك تالقىلاۋىنا ۇسىنىلعان.
