بىرقاتار مەملەكەتتىك مەكەمەلەردىڭ باسشىلارى مەن اۋدان اكىمدەرى قازىرگى جاعداي جانە سۋ تاسقىنى قاۋپىنىڭ الدىن الۋ بويىنشا جۇرگىزىلىپ جاتقان جۇمىستار تۋرالى باياندادى. ماسەلەلەردى تالقىلاۋ بارىسىندا «قازسۋشار» رمك جانە «قازگيدرومەت» رمك فيليالدارى جاساعان بولجامدىق-تالدامالىق جۇمىستاردىڭ ماردىمسىز ەكەندىگى اتاپ ءوتىلدى.
«تجد-مەن بىرلەسىپ جاقىن ارادا سۋ تاسقىنى قاۋپى بار ۋچاسكەلەر قايتا قارالادى. اۋدان اكىمدەرىنەن بارلىق ماسەلەنى قاتاڭ باقىلاۋدا ۇستاۋدى سۇرايمىن. ەگەر ءبىر جەردە قوسىمشا كومەك قاجەت بولسا, بۇل تۋرالى دەرەۋ حابارلاڭىز», دەپ تاپسىردى وبلىس اكىمى.
بۇدان باسقا, سۋ تاسقىنى سالدارىنان ب ۇلىنگەن اۆتوجول ۋچاسكەلەرىن تەزىرەك قالپىنا كەلتىرۋدى قامتاماسىز ەتۋ تاپسىرىلدى. الداعى ۋاقىتتا وسىنداي جاعدايلاردىڭ الدىن الۋ ماقساتىندا سۋ باسۋعا بەيىم جول ۋچاسكەلەرى انىقتالدى. وسى ۋچاسكەلەردە قوسىمشا سۋ قۇبىرلارىن ورناتۋ, سونداي-اق كوپىرلەردى سالۋ جانە جوندەۋ ماسەلەسى قاراستىرىلىپ جاتىر.
جيىن بارىسىندا وبلىس اكىمى ەرالى توعجانوۆ وبلىستىڭ ەلدى مەكەندەرىندەگى سۋ تاسقىنىنىڭ الدىن الۋعا جانە جويۋعا قاتىسقانداردىڭ بارلىعىنا العىسىن ءبىلدىردى. ولاردىڭ ىشىندە «بابەك-قۇرىلىس», «نۇربولات», «ۇلان كومپانياسى», «اليانس ب-2», «ينشاب» قۇرىلىس كومپانيالارى, «دينا» ساۋدا جەلىسى, «ايس», «رامازان», «جاڭا ءالجان ۇن تارتۋ كومبيناتى» وندىرىستىك كومپانيالارى, «اقتوبە فۋدس» جانە ت. ب. كاسىپورىندار ماتەريالدىق قولداۋ كورسەتكەن.
