بيىل ۋنيۆەرسيتەت «گەوگرافيا» باعىتى بويىنشا العاش رەت 151-200 پوزيتسياسىن يەلەنىپ, الەمدەگى ەڭ ۇزدىك 200 ۋنيۆەرسيتەتتىڭ قاتارىنا ەندى. سونداي-اق «فيلوسوفيا» باعىتى بويىنشا كورسەتكىشتەرىن جاقسارتىپ, توپ 101-150-گە ەندى. سونىمەن قاتار بيىل ءال-فارابي اتىنداعى قازۇۋ-دىڭ 542 ءبىلىم بەرۋ باعدارلاماسىنىڭ 25 پايىزى QS by Subject رەيتينگىنە ەندى, بۇل وتكەن جىلمەن سالىستىرعاندا 4 پايىزعا ارتىق.
بەس دايىندىق باعىتى بويىنشا قازۇۋ وزىنىڭ وتكەنجىلعى جوعارى پوزيتسيالارىن ساقتاپ قالدى: «ارحەولوگيا», «اعىلشىن ءتىلى مەن ادەبيەتى» – 151-200, «ماتەماتيكا» – 251-300, «فيزيكا جانە استرونوميا» – 451-500, «حيميا» – 501-550.
QS by Subject رەيتينگىندە قازۇۋ-دىڭ جەتەكشى پوزيتسيالارىن نىعايتۋىنا ۋنيۆەرسيتەتتىڭ وزىق عىلىمي قاۋىمداستىقتارمەن, وتاندىق جانە الەمنىڭ الەۋەتتى جۇمىس بەرۋشىلەرىمەن جەمىستى ىنتىماقتاستىق بايلانىستا بولۋى ىقپالىن تيگىزدى. QS by Subject رەيتينگى جوو-نى بەس ينديكاتور نەگىزىندە: ۋنيۆەرسيتەتتەردىڭ اكادەميالىق بەدەلى, تۇلەكتەر تۋرالى جۇمىس بەرۋشىلەردىڭ پىكىرلەرى, پروفەسسور-وقىتۋشىلار قۇرامىنىڭ عىلىمي ماقالالارىنا سىلتەمەلەر جاسالۋ دەڭگەيى, ولاردىڭ حيرش يندەكسى جانە ۋنيۆەرسيتەتتىڭ الەمگە ايگىلى ۇيىمدارمەن حالىقارالىق زەرتتەۋ بايلانىستارى بويىنشا باعالايدى.
ءال-فارابي اتىنداعى قازۇۋ عالىمدارىنىڭ جاريالانىمدىق بەلسەندىلىگىنىڭ جوعارى دەڭگەيى جانە ۋنيۆەرسيتەتتىڭ 500-دەن استام جەتەكشى شەتەلدىك جوعارى وقۋ ورىندارىمەن ىنتىماقتاستىقتا بولۋى زەرتتەۋ ۋنيۆەرسيتەتى مارتەبەسىن جانە ستراتەگيالىق ماقساتىنا قول جەتكىزۋگە دايەكتىلىگىن راستايدى.
