ەلدوستىڭ ماكەت كۇيىندەگى «اقىلدى» فەرماسىندا جۇمىس پروتسەسى اۆتوماتتاندىرىلعان. بۇل فەرماداعى جۇمىستى قاشىقتان باسقارۋعا, فەرمەردىڭ جۇمىسىن جەڭىلدەتۋ ارقىلى ونىڭ ۋاقىتىن ۇنەمدەۋگە مۇمكىندىك بار. بۇل جوبانى جۇزەگە اسىرۋ ءۇشىن وقۋشىعا ينفورماتيكا ءپانىنىڭ مۇعالىمى ايگۇل شاحامانوۆا قولداۋ كورسەتتى.
ەلدوس «اقىلدى» فەرمانىڭ ماكەتىن جاساۋدا ۇشولشەمدى گرافيكانى تەز قۇرۋعا جانە وڭدەۋگە ارنالعان كومپيۋتەرلىك باعدارلامانى قولدانعان.
«ۋلترادىبىستىق داتچيك ادام نەمەسە مالدىڭ «اقىلدى» فەرماعا جاقىنداعانىن سەزىپ, سەرۆوداتچيكتىڭ كومەگىمەن شلاگباۋم كوتەرىلىپ, بىرنەشە سەكۋندتان كەيىن جابىلادى.
فەرماداعى داتچيكتەر ارقىلى جۇمىس ىستەيتىن اپپاراتتار مالعا ۋاقتىلى جەم-ءشوپ, سۋ بەرىپ, تۇنگى جارىقپەن قامتاماسىز ەتەدى, مالدى ءارى-بەرى جۇرگىزدىرىپ نەمەسە جۇگىرتىپ تۇرادى. «اقىلدى» فەرماداعى جۇمىستى ءموبيلدى تەلەفونعا ورناتىلعان باعدارلاما ارقىلى باسقارۋعا دا بولادى», دەيدى جاس ونەرتاپقىش.
ەلدوستىڭ بۇل جوباسى عىلىمي جوبالار بايقاۋىنىڭ اۋداندىق كەزەڭىندە ءى ورىنعا, ال وبلىستىق كەزەڭدە ءىى ورىنعا يە بولدى.
