مەملەكەت باسشىسى قاسىم-جومارت توقاەۆ «تاۋەلسىزدىكتىڭ 25 جىلدىعى» مونۋمەنتى جانىنداعى الاڭدا ناۋرىز مەيرامىنا ارنالعان مەرەكەلىك ءىس-شاراعا قاتىسىپ، سويلەگەن سوزىندە ەلدەگى وزگەرىستەر تۋرالى ايتتى، دەپ حابارلايدى Egemen.kz اقورداعا سىلتەمە جاساپ.
قاسىم-جومارت كەمەل ۇلى كوپتەگەن باستامالاردىڭ ءساتتى جۇزەگە اسىپ جاتقانىن ايتتى.
«مەن ءدال ءبىر جىل بۇرىن تىڭ باستاما كوتەردىم. ەلىمىزدى تۇبەگەيلى جاڭعىرتۋ ءۇشىن اۋقىمدى رەفورمالار ۇسىندىم. حالىق بۇل باستامالاردى قولدادى. ءبىز جوسپارىمىزدى ءبىر جىلدا تابىستى جۇزەگە اسىردىق.
رەفەرەندۋم ارقىلى كونستيتۋتسياعا ماڭىزدى وزگەرىستەر ەنگىزدىك. بيلىك جۇيەسىن قايتا جاساقتاۋ ءۇشىن ماڭىزدى ساياسي شارالار ىسكە اسىرىلدى»، دەدى مەملەكەت باسشىسى.
پرەزيدەنت 19 ناۋرىز كۇنى وتكەن سايلاۋدىڭ ماڭىزىن ايتىپ، ونىڭ ناۋرىز مەرەكەسىمەن قاتار كەلۋى بەكەر ەمەس ەكەنىن اتاپ ءوتتى.
«كەشە عانا وتكەن ءماجىلىس پەن ءماسليحاتتار سايلاۋى – بۇكىل رەفورمالارىمىزدى العا باستايتىن وتە ماڭىزدى قادام. بۇل سايلاۋ – اۋقىمدى وزگەرىستەردىڭ لايىقتى جالعاسى. وسىلايشا، مەملەكەتىمىز جاڭا داۋىرگە قادام باستى. جالپى ەلىمىزدىڭ جاڭا ساياسي كەلبەتى قالىپتاستى. تاريحي ءسات ۇلىستىڭ ۇلى كۇنىمەن تۇسپا-تۇس كەلىپ وتىر. مۇنىڭ زور سيمۆولدىق ءمانى بار»، دەدى پرەزيدەنت.
الەم • كەشە
قازاقستاندا الكوگولسىز سۋسىن ءوندىرىسى ارتتى
قازاقستان • كەشە
«ارسەلورميتتال تەمىرتاۋ» تسەحىندا ءورت بولدى
قوعام • كەشە
پەتروپاۆل تۇرعىنى ەسىرتكىنىڭ ءىرى پارتياسىمەن ۇستالدى
ايماقتار • كەشە
مەملەكەت باسشىسى قاتار ءامىرى باستاعان دەلەگاتسيامەن كەزدەستى
پرەزيدەنت • كەشە
ۇقساس جاڭالىقتار
ونلاين 
