قازاقستان رەسپۋبليكاسى پرەزيدەنتىنىڭ وكىمى

قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارىن بەرۋ, گرانتتارىن تاپسىرۋ جانە العىسىن جاريالاۋ تۋرالى 1. بۇقارالىق اقپارات قۇرالدارىنىڭ ەلدىڭ ەكونوميكالىق, الەۋمەتتىك, ساياسي جاڭعىرۋىن اقپا­راتتىق قامتاماسىز ەتۋدەگى زور ءرولىن ەسكەرە وتى­رىپ, سونداي-اق قازاقستان رەسپۋبليكاسى پرەزي­دەنتىنىڭ بۇقارالىق اقپارات قۇرالدارى سالا­سىنداعى سىيلىقتارىن بەرۋ, گرانتتارىن تاپسىرۋ جانە العىسىن جاريالاۋ جونىندەگى قوعامدىق كوميسسيانىڭ ۇسىنىمىن قاراي كەلىپ: قازاقستان رەسپۋبليكاسى پرەزيدەنتىنىڭ بۇ­قا­را­لىق اقپارات قۇرالدارى سالاسىنداعى سىي­لىقتارى بەرىلسىن: سرايىل سمايىلعا – «جاس قازاق» گازەتىنىڭ باس رەداكتورىنا – وتاندىق جۋرناليستيكانى جانە ۇلتتىق بۇقارالىق اقپارات قۇرالدارىن دامىتۋعا قوسقان ەلەۋلى ۇلەسى ءۇشىن; لەۆ يۋرەۆيچ تاراكوۆقا – «ۆرەميا» قو­عام­دىق-ساياسي گازەتىنىڭ باس رەداكتورىنا – تاۋەلسىز قا­زاقستاننىڭ اقپاراتتىق كەڭىستىگىن دامىتۋعا باعىت­تالعان بەلسەندى قىزمەتى ءۇشىن; قازاقستان رەسپۋبليكاسى پرەزيدەنتىنىڭ بۇقا­را­لىق اقپارات قۇرالدارى سالاسىنداعى گرانتتارى تاپسىرىلسىن: ياروسلاۆ يۋرەۆيچ كراسيەنكوعا – «كتك» تەلەارناسىنىڭ استاناداعى تىلشىلەر بيۋروسىنىڭ جەتەكشىسىنە – ەلدەگى ەكونوميكالىق, الەۋمەتتىك جانە ساياسي رەفورمالار بارىسىن بەلسەندى تۇردە جا­ريالاپ-كورسەتكەنى ءۇشىن; جايناگۇل ۇزاقبايقىزى تولەمىسوۆاعا – «قازاقستان» ۇلتتىق تەلەارناسىنىڭ تىلشىسىنە – قازاقستان رەسپۋبليكاسى پرەزيدەنتىنىڭ قىزمەتى اياسىندا ەلدىڭ سىرتقى جانە ىشكى ساياساتىن اقپاراتتىق تۇرعىدان جاريالاپ, كورسەتكەنى ءۇشىن; قازاقستان رەسپۋبليكاسى پرەزيدەنتىنىڭ بۇقا­را­لىق اقپارات قۇرالدارى سالاسىنداعى العىسى جا­ريالانسىن: «ايعاق» تەلەراديوكومپانياسىنىڭ شى­عار­ماشىلىق ۇجىمىنا – وڭىرلىك بۇقارالىق اقپارات قۇرالدارىن دامىتۋعا قوسقان ۇلەسى, الەۋمەتتىك-ەكونوميكالىق جانە ساياسي رەفورمالاردى كەڭىنەن جاريالاپ-كورسەتكەنى ءۇشىن; «قازكونتەنت» اكتسيونەرلىك قوعامىنىڭ شى­عار­ماشىلىق ۇجىمىنا – ۇلتتىق كونتەنتتى قالىپ­تاستىرىپ, ىلگەرىلەتكەنى, ينتەرنەت جەلىسىنىڭ قازاقستاندىق سەگمەنتىن دامىتقانى ءۇشىن; «كورە يلبو» گازەتىنىڭ شىعارماشىلىق ۇجىمىنا – قازاقستان حالقىنىڭ ۇلتارالىق كەلى­سىمىن, ۇلتتىق بىرلىگىن نىعايتۋعا قوسقان ۇلەسى ءۇشىن; «مير» مەملەكەتارالىق تەلەرا­ديو­كوم­پانيا­سىنىڭ قازاقستان رەسپۋبليكاسىنداعى ۇلتتىق فيليالىنىڭ شىعارماشىلىق ۇجىمىنا – مەملەكەتارالىق بۇقارالىق اقپارات قۇرالدارىن دامىتۋعا قوسقان ۇلەسى ءۇشىن. 2. وسى وكىم بۇقارالىق اقپارات قۇرالدارىندا جاريالانسىن. قازاقستان رەسپۋبليكاسىنىڭ پرەزيدەنتى ن.نازارباەۆ.  استانا, اقوردا, 2014 جىلعى 26 ماۋسىم.  №300