بۇل اقپاراتتى ماڭعىستاۋ وبلىستىق پوليتسيا دەپارتامەنتىنىڭ ءباسپاسوز قىزمەتى راستادى. وقيعا 5 اقپاندا ماڭعىستاۋ وبلىسىنداعى اۋدانداردىڭ بىرىندە بولعان. ايەل 16 جانە 12 جاستاعى كامەلەتكە تولماعان قىزداردى زورلاۋ دەرەگى بويىنشا پوليتسياعا ارىزدانعان.
تەرگەۋ بارىسىندا كۇدىكتى قىزداردىڭ اتا-اناسىنىڭ جاقىن دوسى ەكەنى بەلگىلى بولدى. ەر ادام 2019 جىلدان باستاپ 4 جىل بويى قىزداردى زورلاپ كەلگەن.
قۇقىق قورعاۋ ورگاندارى قىزداردى زورلادى دەگەن كۇدىككە ىلىنگەن جەرگىلىكتى تۇرعىندى ۇستاعان. ەر ادام ءوز كىناسىن مويىنداپ, كەيىن پوليتسيا ءبولىمىنىڭ تەرەزەسىنەن سەكىرىپ كەتكەن. بىرنەشە كۇننەن كەيىن ول اۋرۋحانادا قايتىس بولعان.
«بۇل دەرەك قر قىلمىستىق كودەكسىنىڭ 120-بابى 4-بولىگى (بىرنەشە رەت زورلاۋ) بويىنشا سوتالدى تەرگەپ-تەكسەرۋدىڭ بىرىڭعاي تىزىلىمىنە تىركەلدى. ءتيىس ساراپتامالار تاعايىندالدى. تەرگەۋ امالدارى جۇرگىزىلىپ جاتىر. باسقا دا مالىمەتتەر جاريا ەتىلمەيدى», دەدى پوليتسيا قىزمەتكەرلەرى.
