«قازىر بارلىق 1 620 سايلاۋشىنىڭ 200-دەن استامى داۋىس بەرىپ ۇلگەردى. جاستاردىڭ بەلسەندىلىگى تۇستەن كەيىن ارتادى. ودان ءارى سايلاۋشىلار لەگى كەشكە دەيىن تولاستامايدى. بۇل ىلعي بولاتىن ءۇردىس, بيىلعى سايلاۋدىڭ دا ەرەكشەلىگى جوق», دەدى ول.
وسى ۋچاسكەدە قوعامدىق ۇيىمداردان, قازاقستاننىڭ حالىق پارتياسىنان بىرنەشە بايقاۋشى وتىر. «ازىرگە ءبارى دۇرىس, ەشقانداي قۇقىق بۇزۋشىلىق بولعان جوق», دەيدى بايقاۋشىلار. عابيت مۇسىرەپوۆ اتىنداعى بالالار مەن جاسوسپىرىمدەر كىتاپحاناسىنا ورنالاسقان №575 سايلاۋ ۋچاسكەسىندە جۇمىس ءسال بەلسەندىرەك. ماپرۋزا جۇماباەۆا توراعالىق ەتەتىن بۇل ۋچاسكەدە ءبىز بولعان كەزدە 315 ادام داۋىس بەرىپ ۇلگەرىپتى. «داۋىس» قۇ جانە بىرنەشە كانديداتتىڭ سەنىمدى وكىلدەرى بايقاۋشى بولىپ وتىر. سايلاۋ ۋچاسكەسىنە 87 جاستاعى الەكساندر رويچەنكو دا ءوزى كەلىپ داۋىس بەردى. «ك.سۇتىشەۆ كوشەسىندەگى وسى جەرگە جاقىن ۇيلەردىڭ بىرىندە تۇرامىن. ازىرگە اياعىم جۇرەدى, سوندىقتان مۇنداي ماڭىزدى ءىس-شارادان قالماۋىم كەرەك دەپ سانايمىن», دەدى ول بىزگە.
مۇنداعى تىركەلگەن سايلاۋشىلار سانى 1 615 ادام ەكەن. «قازىر ۇيلەرىنەن داۋىس بەرەتىندەرگە ارنايى جاشىك جىبەرەمىز, ونداي ازاماتتاردىڭ سانى – 15», دەدى م.جۇماباەۆا. وسىدان كەيىن بارعان س.شايمەردەنوۆ اتىنداعى كلاسسيكالىق گيمنازياداعى №590 سايلاۋ ۋچاسكەسىندە ارنايى جاشىككە داۋىس بەرەتىندەر 13 ادام ەكەنىن بىلدىك. ال 94 جاستاعى يۆان زاۆگورودني سايلاۋ ۋچاسكەسىنە ءوزى كەلىپ, داۋىس بەرىپ كەتىپتى. مۇندا 1 575 داۋىس بەرۋشى تىركەلگەن, سونىڭ 500-گە جۋىعى داۋىس بەرىپ ۇلگەرىپتى. «وسى ماڭايدا تۇراتىن جانداردىڭ كوبى زەينەتكەرلەر, ولاردىڭ بەلسەندىلىكتەرى جوعارى, ارقايسىسى سايلاۋدان قالماۋعا تىرىسادى», دەيدى ۋچاسكە توراعاسى راۋشان ءىلياسوۆا.
س.مۇقانوۆ اتىنداعى وبلىستىق عىلىمي-امبەباپ كىتاپحاناداعى سايلاۋ ۋچاسكەسىندەگى جاعداي وسىنداي, اقىرىن عانا ويناپ تۇرعان مۋزىكا, كەلىپ جاتقان سايلاۋشىلار لەگى ءالى تولاستاعان جوق. مۇندا دا بىرنەشە قوعامدىق ۇيىم, كانديداتتار مەن پارتيالاردىڭ وكىلدەرى بايقاۋشى بولدى.
سولتۇستىك قازاقستان وبلىسى
