فرانتسيالىق باقىلاۋشىلار الماتىداعى سايلاۋ بارىسىنىڭ اشىقتىعىن اتاپ ءوتتى

فرانتسيا رەسپۋبليكاسى سەناتىنىڭ دەپۋتاتى، «فرانتسيا – ورتالىق ازيا» دوستىق توبىنىڭ توراعاسى ەرۆە مورەنىڭ ايتۋىنشا، قازاقستانداعى سايلاۋ پروتسەسى اشىق جانە بارلىق دەموكراتيالىق پرينتسيپتەرگە سايكەس وتۋدە. باقىلاۋشىلار تاڭەرتەڭ 4 سايلاۋ ۋچاسكەسىندە بولىپ ۇلگەردى، ولار قانداي دا ءبىر زاڭ بۇزۋشىلىقتاردى بايقامادى.

«جالپى تاڭەرتەڭ ءارتۇرلى سايلاۋ ۋچاسكەلەرىندە بارلىق قاجەتتى قۇرال-جابدىقتاردىڭ بار ەكەنىن بايقادىم دەپ ايتا الامىن. ياعني تىزىمگە تىركەلگەن سايلاۋشىلارعا سايلاۋ بيۋللەتەنى بەرىلەدى، ول مورلەنگەن جاشىككە تاستالادى»، دەپ اتاپ ءوتتى حالىقارالىق ساراپشى.

جوعارىدا ايتىلعاندارعا فرانتسيا رەسپۋبليكاسى سەناتىنىڭ دەپۋتاتى، «فرانتسيا – ورتالىق ازيا» دوستىق توبىنىڭ مۇشەسى ارنو دە بەلنە دە قوسىلدى.

«داۋىس بەرۋشىلەردىڭ جۇزدەرى ك ۇلىمدەپ، اشىق-جارقىن ءجۇر، قوسىمشا ايتا كەتەتىن بولسام، فرانتسيادا شەتەلدىك باقىلاۋشىلارعا مۇنداي اشىقتىق پەن جاناشىرلىق جوق. فيزيكالىق قۇرىلىمى جاعىنان ءبارى ۇقساس، مەن ءوزىم ءۇشىن ءارتۇرلى پارتيالاردى تانىستىراتىن باقىلاۋشىلاردىڭ تۇراقتى تۇردە بولعانىن بايقادىم، بۇل - اشىقتىق كورسەتكىشى. ءاربىر پارتيا بۇل پروتسەستى مۇمكىندىگىنشە باقىلايدى»، دەپ تولىقتىردى ول.

ساراپشىلار الماتىدا ءالى دە بىرنەشە سايلاۋ ۋچاسكەلەرىنە بارۋدى جوسپارلاپ وتىر.