رەسەي باقىلاۋشىلارى الماتىداعى داۋىس بەرۋ بارىسىنا وڭ باعا بەردى

«قازاقستاننىڭ تاريحى تاڭ قالدىرادى. بۇگىن ءبىز 11-گە جۋىق ءبولىمدى ارالادىق، ەشقانداي ەسكەرتۋلەردى بايقامادىق، بارلىعى زاڭ اياسىندا ءوتتى. مەنىڭ ءبىر اڭعارعانىم، ادامداردىڭ ءوز سايلاۋ ۋچاسكەلەرىنە جىلى جۇزبەن، قۋانا كەلىپ جاتتى. ادامدار وزدەرىنىڭ ۇلى ەلىنىڭ تاعدىرىن شەشكىسى كەلەدى»، دەدى سپيكەر.

سونىمەن بىرگە ول ۋچاسكەلىك كوميسسيا مۇشەلەرى ۇلتتىق ستيلدە جاراسىمدى كيىنىپ كەلگەنىن ەرەكشە اتاپ ءوتتى.

«مەن ءار ءتۇرلى پارتيالاردان جانە ءبىر مانداتتى كانديداتتاردان كوپتەگەن باقىلاۋشىلاردى بايقادىم. ال بۇل باقىلاۋشىلار نەگىزىنەن جاستار، سايلاۋشىلارعا كەلەتىن بولساق، تاڭەرتەڭ جاسى ۇلكەن ادامدار قاتارى كوبىرەك بولدى، جاستار تۇسكە تامان ۇيقىلارىنان تۇرىپ، ەل تاعدىرىن تاڭداۋعا ات سالىسۋدا. ءار ۋچاسكەدە ۇلتتىق تاعامدار تاراتىلىپ، داستارحان جايىلدى»، دەپ جالعاستىردى سموليانينوۆ.

جالپى، الماتى قالاسىنداعى سايلاۋ ۋچاسكەلەرىندە وڭ ديناميكا بايقالادى. سپيكەر ءبىزدىڭ ەلدەر اراسىنداعى سايلاۋ ۇدەرىسىنەن ەشقانداي ايىرماشىلىق كورمەدى. ول قازاقستاندا سايلاۋ جوعارى دەڭگەيدە ۇيىمداستىرىلعان دەپ ەسەپتەيدى.

ءسوز سوڭىندا رەسەي فەدەراتسياسىنان كەلگەن سپيكەر ءبىر قىزىق وقيعانى ايتىپ بەردى، بۇگىن ءبىر الماتىلىق قارت كەلىپ، جاس كەزىندە تاڭداۋ قۇقىعى بولماعانىن، ال قازىر تاڭداۋ قۇقىعى بار ەكەنىن ايتقان ەكەن.