ء«بىز ەلىمىزدىڭ باي-قۋاتتى بولعانىن قالايمىز. ال ەل سەنىمىنە يە بولعان ازاماتتار ەلىمىزدى دامۋدىڭ جاڭا ساتىلارىنا الىپ شىعادى دەگەن سەنىمدەمىز. سول سەبەپتى سايلاۋدىڭ دا ماڭىزى زور. وسىنداي جاۋاپتى ىسكە العاشقىلاردىڭ ءبىرى بولىپ كەلۋدى ءجون كوردىك. زامانداستارىمىزدى بەلسەندى بولۋعا شاقىرامىن», دەيدى ەگىزدەر.
ورالداعى №415 سايلاۋ ۋچاسكەسىنە كەلگەن ارۋ مەن سۇلۋ بايدۋللاەۆالار م.وتەمىسوۆ اتىنداعى بقۋ-دىڭ 4 كۋرس ستۋدەنتتەرى. فيزيكا-ينفورماتيكا ماماندىعى بويىنشا ءبىلىم الىپ جاتقان ارۋلار وقۋدا دا وزات. بولاشاق ۇستازدار بۇگىنگى سايلاۋ جاستاردىڭ ەرتەڭگى كۇنگە دەگەن سەنىمىن ارتتىراتىنىن ايتادى.
ەشقاشان جۇبى جازىلماعان قوس ارۋ سايلاۋعا دا بىرگە كەلىپ ءوز تاڭداۋلارىن جاسادى.
ء«بىز كىشكەنتايمىزدان بىرگە ءوسىپ, بىرگە دامىپ, جەتىستىكتەرگە دە بىرگە قول جەتكىزىپ كەلەمىز. بۇگىندە ەلىمىز, بولاشاعىمىز ءۇشىن ماڭىزدى تاڭداۋدى بىرگە جاساۋ ماقساتىندا سايلاۋعا كەلدىك. ءبىز بولاشاق ۇرپاقتى تاربيەلەۋشى ۇستازدارمىز. ەلىمىزدىڭ سانالى ازاماتتارىن قالىپتاستىرۋ ءۇشىن ءوزىمىز دە سانالى بولۋىمىز كەرەك. سايلاۋعا ەل ەرتەڭىن ويلاعان, حالقى ءۇشىن جانى اشىعان بولاشاق ۇرپاقتى وقىتىپ, تاربيەلەيتىن ازاماتتارىمىز مىندەتتى تۇردە قاتىسۋى كەرەك دەپ سانايمىز», دەيدى ارۋ مەن سۇلۋ.
