«بۇگىن ەل تاريحىنداعى تاعى دا ءبىر ماڭىزدى قادام جاسالدى. ءبىز سايلاعان دەپۋاتتار ءار قابىلداناتىن اكتىگە, زاڭنامالارعا, بيۋدجەتتى قابىلداۋ تاسىلدەرىنە, مەملەكەت ءۇشىن اسا ماڭىزدى ماسەلەلەرگە قاتىستى ابدەن ءپىسىپ-جەتىلگەن, بايىپتى شەشىمدەر قابىلدايدى دەپ سەنەمىن. بۇگىن ءبىز ماڭىزدى مىندەتتەردى جۇزەگە اسىرىپ, مەملەكەتتىڭ تۇراقتى دامۋىن قامتاماسىز ەتە الادى دەگەن دەگەن كانديداتتار مەن پارتيالارعا داۋىس بەردىك. تۇراقتى دامۋعا ۇلەس قوسۋ – ەل يگىلىگى جولىنداعى بارلىعىمىزعا ورتاق جۇمىس. قازاقستاننىڭ كۇشى – بەيبىتشىلىك پەن تىنىشتىقتا, تۇراقتىلىق پەن ءوزارا سىيلاستىقتا. ەلىمىزدە مادەنيەتكە, سالت-داستۇرگە دەگەن قۇرمەت جوعارى. بۇل – ءبىزدىڭ مەملەكەتىمىزدىڭ مىقتى تۇسى بولدى جانە بۇدان كەيىن دە نىعايا ءتۇسۋى ءتيىس», دەدى ۆيلەن مولوتوۆ-لۋچانسكي.
ونىڭ ايتۋىنشا, ءبىز سايلاعان دەپۋتاتتار مەن داۋىس بەرگەن پارتيالار وسى قۇندىلىقتى باعالاپ, نىعايتۋعا مىندەتتى.
ء«بىز ءوزىمىز سايلاعان دەپۋتاتتاردىڭ جۇمىسىن قاداعالايمىز. ىقپالدى پارلامەنت جانە جەرگىلىكتى جەرلەردەگى كۇشتى ءماسليحاتتار سايلاۋشىلاردىڭ ءۇمىتىن اقتاۋى ءتيىس. سونىمەن قاتار مەملەكەت پەن حالىق مۇددەسى قاشاندا ءبىرىنشى ورىندا. بۇل – وتە ماڭىزدى. سوندىقتان دەپۋتاتتار حالىقتىڭ تىنىس-تىرشىلىگىن ۇنەمى سەزىنىپ, سوعان ساي ارەكەت ەتەتىنىنە سەنىمدىمىن. ول ءۇشىن ادال, جاۋاپتى جانە سىندارلى جۇمىس جاسالۋى ءتيىس. سونداي-اق پارلامەنتتە نەمەسە ءماسليحاتتاردا قانداي ورىن الاتىنىنا قاراماستان ءوزارا بىرلەسە جۇمىس جاسالعانى ابزال. مۇنىڭ ءبارى ءبىزدىڭ مەملەكەتىمىزدىڭ يگىلىگى ءۇشىن اتقارىلاتىن شارۋالار. بۇگىنگى كۇن وتە ماڭىزدى. داۋىس بەرۋ – ارقايسىمىزدىڭ ازاماتتىق بورىشىمىز!» دەيدى ول.
