وبلىستاعى اۋماقتىق سايلاۋ كوميسسياسىنىڭ توراعاسى عايسا قاپاقوۆتىڭ ايتۋىنشا, اكىمشىلىك-اۋماقتىق بىرلىكتەردەگى وزگەرىستەرگە وراي جاڭادان 4 سايلاۋ ۋچاسكەسى قۇرىلسا, بۇرىنعى 5 ۋچاسكە جابىلىپ قالعان. سايلاۋعا دايىندىق كەزەڭىندە ورال قالاسى مەن بىرنەشە اۋداندا بوس تۇرعان 116 ۆاكانسياعا جاڭا قىزمەتكەر الىنىپتى. جالپى باتىس قازاقستان وبلىسىندا 689 سايلاۋ كوميسسياسى بار, ولاردىڭ 171-ءى – وكرۋگتىك كوميسسيا, 14-ءى – اۋماقتىق سايلاۋ كوميسسياسى. بۇل كوميسسيالار قۇرامىندا 4101 ادام بار.
قالادا تۇرعىلىقتى مەكەنجايى بويىنشا ەش جەردە تىركەلمەگەن ازاماتتار ءۇشىن 5 سايلاۋ ۋچاسكەسىندە داۋىس بەرۋ مۇمكىندىگى قاراستىرىلعان. شاھار ىرگەسىندەگى اۋىلدار مەن ساياجايلارداعى سايلاۋشىلار قوعامدىق كولىكپەن تەگىن ءجۇر. سونىمەن قاتار مۇگەدەكتەرگە ينۆاتاكسي قىزمەتى ۇيىمداستىرىلعان.
