جاسىنىڭ توقساندى القىمداپ قالعانىنا قاراماستان سايلاۋ ۋچاسكەسىنە ءوز اياعىمەن ءجۇرىپ كەلگەن قاريانىڭ ءىسى البەتتە كوپكە ۇلگى. سوندىقتان اقساقالدىڭ وسىناۋ ساياسي بەلسەندىگىلى مەن وزگەلەرگە كورسەتكەن ۇلگىسى ءۇشىن وعان ۇلكەن سىي-قۇرمەت كورسەتىلىپ, ەستەلىككە ارنايى سىيلىق تابىستالدى.
ء«وز باسىم ەلىمىزدەگى قانداي سايلاۋ بولادى سونىڭ بارلىعىنا قاتىسىپ, ساياسي دودانىڭ بىرىنەن قالماۋعا تىرىسامىن. سەبەبى ساياسي-ەكونوميكالىق باستامالاردى ىسكە اسىراتىن, حالىقتىڭ مۇڭ-مۇقتاجىن جوقتايتىن دەپۋتاتتار بولعاندىقتان ولاردى ەل بولىپ سايلاپ الۋ قاجەت. ەگەر ساياسي ومىردە نەمقۇرايدى بولىپ ەشكىمدى تاڭداماساق, وزىمىزبەن-ءوزىمىز بولىپ جۇرە بەرسەك, سايلاۋعا كىم بارادى, داۋىستى كىم بەرەدى؟! ەرتەڭ ەرىنشەكتىگىمىز وزىمىزگە كەسىر بولىپ تيمەي مە؟! سوندىقتان سايلاۋدان قالماۋ كەرەك. بالا-شاعا, نەمەرەلەرىمدى دە ەلدىڭ كوزى اشىق, كوكىرەگى وياۋ ازاماتى بولۋعا تالپىندىرامىن. ال ءوزىمنىڭ ومىردەگى ۇستانىمىم ەلدەگى ساياسي-ەكونوميكالىق قانداي دا ءبىر وزگەرىستەردىڭ بارلىعىنان شەت قالماۋ. سونىڭ ىشىندە مەملەكەت ءۇشىن ماڭىزدى ناۋقان سايلاۋ دا بار. بۇگىنگى سايلاۋدىڭ باستى ەرەكشەلىگى ءادىل بولۋىندا. ساياسي دوداعا ءبىر ەمەس, بەسەۋدەن كوپ پارتيالار ءتۇسىپ جاتىر. سونىمەن بىرگە ازاماتتار پارتيالىق ءتىزىم بويىنشا ەمەس, ءوزىن-ءوزى دەپۋتاتتىققا ءۇمىت رەتىندە ۇسىنا الادى. ناعىز دەموكراتيالىق ساياسي جۇيەگە قادام باسىپ كەلە جاتقانىمىز وسى ەمەس پە؟! ەلىمىزدىڭ ساياسي ومىرىندەگى وسىنداي باستامالاردى ارينە قولدايمىن. ءادىل سايلاۋ بولاتىنىنا سەنگەندىكتەن ادامدا ازاماتتىق بەلسەندىلىگى دە كۇشتى بولادى. مەنى سايلاۋ ۋچاسكەسىنە تاڭ سارىدەن جەتەلەپ الىپ كەلگەن وسى وي, مەملەكەتتىڭ ساياسي جۇيەسىندەگى تىڭ وزگەرستەردىڭ ورىن الا باستاۋىنان ويانعان قۋانىش سەزىمى. مەنىڭ زامانداستارىمنىڭ قاتارى سيرەدى. ءتىرى جۇرگەندەرىنىڭ كوپشىلىگىنىڭ ءوزى قازىر ۇيلەرىنەن ءبىر قادام اتتاپ باسىپ شىعا المايدى. سول ءۇشىن بويىما كۇش-قايراتىمدى جيناپ سايلاۋ ۋچاسكەسىنە كەلىپ داۋىس بەرۋگە مۇمكىندىك بەرگەنى ءۇشىن اللاعا مىڭ دا ءبىر شۇكىرشىلىك ايتامىن. ومىردە تالاي قىزمەت اتقاردىم. اۋىر بەينەتتى ءبىر كىسىدەي تارتتىم. بىراق مەندە وسىنىڭ ءبارىن كەلەشەك ۇرپاق ءۇشىن جاساپ جاتىرمىن, قىزىعىن مەن كورمەسەم دە كەلەشەك سولار كورسىن دەگەن ويدا بولدىم. مىنە, وسىنداي پىكىرمەن تاعى دا داۋىس بەرۋگە كەلىپ تۇرمىن. نە دەيىن, تىرشىلىكتە كورگەن-تۇيگەنىم كوپ. ەندى سول مول تاجىريبەمدى ۇرپاعىممەن ءبولىسىپ قالدىرسام دەيمىن. پرەزيدەنت سايلاۋىنان كەيىنگى ماڭىزدى ساياسي دودانىڭ ءبىرى پارتيالاردىڭ, پارلامەنت پەن ءماسليحات دەپۋتاتتارىنىڭ سايلاۋى بولىپ تۇر. بۇل ورايدا مەن ءوز تاڭداۋىمدى جاسادىم. سول سەكىلدى بارلىق شىمكەنتتىكتەردى بەلسەندى بولىپ, بولاشاق ءۇشىن تاڭداۋ جاساۋعا ۇگىتتەيمىن», دەدى قاريا.
ايتا كەتكەن ءجون, بۇگىنگى ساياسي ناۋقاندا شىمكەنت قالاسىنىڭ تۇرعىندارى ءۇشىن 512 سايلاۋ ۋچاسكەسى ەسىگىن ايقارا اشتى. ال شاھارداعى داۋىس بەرۋ قۇقىعىنا يە سايلاۋشىلار سانى 639 663 ادام.
