«سايلاۋدىڭ جاۋاپكەرشىلىگى ۇلكەن. وسىعان دەيىن دە بۇنداي ناۋقاندارعا قاتىستىق. باستىسى قوعام جاڭارسا ەكەن دەگەن نيەتىمىز بار. بۇل جولى كوپتەگەن يگى وزگەرىس بولاتىن سياقتى. اسىرەسە حالىق ىشىنەن شىققان تۇلعالاردى بايقايمىز. قاراپايىم جۇرتتىڭ اراسىنان دەپۋتات شىققانى ءجون. سايلاۋشىلاردىڭ باسىم بولىگىنىڭ داۋىسىن جيناپ, حالىق سايلاعان دەپۋتات اتانسا, ودان اسقان باق بولماس.
ەلدىڭ ىشىندە جۇرگەندەر حالىقتىڭ مۇڭ-مۇقتاجىن بىلەدى. ناعىز ەل-جۇرتىنىڭ جاعدايىن جاساي الاتىن, سايلاۋالدى باعدارلاماسىنا سايكەس ءىس قىلاتىن ازامات سايلانسا دەگەن ىزگى تىلەگىمىز بار.
سايلاۋعا ۇدايى قاتىسامىز. ءوز تاڭداۋىمىزدى جاسادىق. ءبىز تىركەلگەن №542 ۋچاسكە ەكەن. جالپى الەۋمەتتىك جەلىدە, ونىڭ ىشىندە فەيسبۋكتە وي-پىكىرىمىزدى ءجيى جازىپ جاتامىز. سان ءتۇرلى ويلار قوزعالادى. ءبىر نارسە انىق. ەگەر ءوزىمىز سايلاۋ پۋنكتىنە باس سۇعىپ, كوڭىلگە ۇناعان, باعدارلاماسى جاقسى ۇمىتكەرگە داۋسىمىزدى بەرسەك, سەڭ قوزعالارى انىق. سوندا عانا ءاربىرىمىز ءوز تاڭداۋىمىزدى جاسايمىز», دەپ بايعالي ەسەناليەۆ وي ءبولىستى.
