سايلاۋعا 2 كۇن قالدى: داۋىس بەرۋشىگە ارنالعان نۇسقاۋلىق

داۋىس بەرۋ كەزىندە نەنى ءبىلۋىڭىز كەرەك؟ تومەندە بارلىعىن تارقاتىپ جازدىق. 

ەڭ الدىمەن جەكە كۋالىگىڭىز بولۋى كەرەك. داۋىس بەرۋ تۇرعىلىقتى جەرى بويىنشا اكىمدىكتەر قۇراتىن سايلاۋشىلار ءتىزىمى بويىنشا جۇرگىزىلەتىنىن ەسكەرگەنىڭىز ءجون. وعان بەلسەندى سايلاۋ قۇقىعى بار قازاقستان ازاماتتارى كىرەدى: 18 جاسقا تولعان، ارەكەتكە قابىلەتتى جانە سوت ۇكىمى بويىنشا باس بوستاندىعىنان ايىرۋ ورىندارىندا وتىرماعاندار.

داۋىس بەرۋ قالاي جۇزەگە اسادى؟

سايلاۋ بيۋللەتەنى سايلاۋشىعا جەكە باسىن كۋالاندىراتىن قۇجاتتى كورسەتكەن كەزدە سايلاۋشىلار ءتىزىمى نەگىزىندە بەرىلەدى. كەلەسى كەزەكتە سايلاۋشى بيۋللەتەندى العاننان كەيىن تىزىمگە قول قويادى. سايلاۋشىلار بيۋللەتەندەردى جاسىرىن داۋىس بەرۋ كابيناسىنا كىرىپ، تولتىرادى.

داۋىس بەرۋ بيۋللەتەنىندە سايلاۋشى كانديداتتىڭ تەگىنىڭ نەمەسە ءوزى داۋىس بەرەتىن ساياسي پارتيانىڭ اتاۋىنىڭ وڭ جاعىنا نە «بارلىعىنا قارسى» جولىنىڭ وڭ جاعىنداعى ۇياشىققا كەز كەلگەن بەلگىنى قويادى. سايلاۋشى تولتىرىلعان بيۋللەتەندى سايلاۋ جاشىگىنە سالادى.

داۋىس بەرەتىن ۋچاسكەنى قالاي بىلۋگە بولادى؟

استاناداء وزىڭىزدىڭ سايلاۋ ۋچاسكەڭىز تۋرالى اقپاراتتى ونلاين، sailau.astana.kz ۆەب-سەرۆيسى ارقىلى الا الاسىز. سونىمەن قاتار Telegram-دا @sailau_astana_bot چات-بوتى بار. iKomek بىرىڭعاي بايلانىس ورتالىعى 109 تەلەفونى ارقىلى تاۋلىك بويى جۇمىس ىستەيدى. وپەراتورلار تەلەفون قوڭىراۋلارىنا جاۋاپ بەرەدى، iKomek مەسسەندجەرلەرى ارقىلى سۇرانىستاردى قابىلدايدى; @nursultanikomek109_bot Telegram چات-بوتى، iKomek109 ءموبيلدى قوسىمشاسى بار.

الماتىدا Telegram-دا almaty_sailau2023_bot بار، سونداي-اق 1315 ءنومىرى بويىنشا بىرىڭعاي بايلانىس ورتالىعى جۇمىس ىستەيدى.

شىمكەنت – iKomek بايلانىس ورتالىعى 109 ءنومىرى بويىنشا جۇمىس ىستەيدى.

اقمولا وبلىسى - izbirateli.akmo.kz سايتى.

اقتوبە وبلىسى – aktobe.gov.kz سايتى، سونىمەن قاتار Telegram-دا Akimat04bot بار

الماتى وبلىسى – zhetysu.saylaw.kz

اتىراۋ وبلىسى - sailau.atyrau.gov.kz

شىعىس قازاقستان وبلىسى - e-vko.gov.kz

جامبىل وبلىسى – zhhambyl.gov.kz

باتىس قازاقستان وبلىسى – بىرىڭعاي بايلانىس ورتالىعى +7 (7112) 109، ورال قالاسىنىڭ تۇرعىندارى ءۇشىن Smart Uralsk قوسىمشاسى جانە تەلەفونى + 7 (71112) 500255

قاراعاندى ​​وبلىسى - e-krg.gov.kz

قوستاناي وبلىسى - uch.kostanay.gov.kz

قىزىلوردا وبلىسى - saylau.orda.gov.kz

ماڭعىستاۋ وبلىسى - انىقتاما تەلەفوندار:

اقتاۋ +7 (7292) 33-65-20;
جاڭاوزەن +7 (72934) 7-96-57،7-96-58;
مۇنايلى اۋدانى +7 (7292) 46-62-34;
ماڭعىستاۋ اۋدانى +7 (72931) 2-12-86;
تۇپقاراعان اۋدانى +7 (72938) 2-26-45;
بەينەۋ اۋدانى +7 (72932) 2-11-28;

قاراقيان اۋدانى +7 (72937) 2-21-91.

پاۆلودار وبلىسى - gov.kz.memleket.entities.pavlodar

سولتۇستىك قازاقستان وبلىسى - izbiratel.sko.kz

تۇركىستان وبلىسى – 109 بايلانىس ورتالىعى، Telegram-بوت tur_saylaw_bot

ءماجىلىس دەپۋتاتتىعىنا قانداي پارتيالار ۇسىنىلعان؟

2023 جىلعى 19 ناۋرىزدا وتەتىن ءماجىلىس سايلاۋىنا جەتى ساياسي پارتيا جىبەرىلدى، ولاردان 283 كانديدات قاتىسىپ جاتىر. داۋىس بەرۋگە ارنالعان بيۋللەتەنگە پارتيا اتاۋلارى جەرەبەدە انىقتالعان تارتىپپەن ەنگىزىلەدى.

جەرەبە قورىتىندىسى بويىنشا بيۋللەتەندەگى پارتيالار اتاۋى كەلەسى رەتپەن ورنالاستى:

Amanat پارتياسى – ءبىرىنشى. پارتيا باعدارلاماسى تۋرالى تولىق اقپاراتتى مىنا سىلتەمەدەن تابۋعا بولادى.

«اۋىل» حالىقتىق-دەموكراتيالىق پاتريوتتىق پارتياسى - ەكىنشى، پارتيا باعدارلاماسىمەن مىنا جەردەن تانىسۋعا بولادى.

Respublica پارتياسى - ءۇشىنشى، سايلاۋالدى باعدارلاماسىمەن مىنا سىلتەمە بويىنشا تانىسۋعا بولادى.

قازاقستان حالىق پارتياسى – ءتورتىنشى، سايلاۋالدى باعدارلاماسى پارتيانىڭ رەسمي سايتىندا جاريالانعان.

قازاقستاننىڭ «بايتاق» جاسىل پارتياسى - بەسىنشى، ولاردىڭ باعدارلاماسى رەسمي رەسۋرستا جاريالانعان.

«اق جول» قازاقستاننىڭ دەموكراتيالىق پارتياسى – التىنشى، سايلاۋالدى باعدارلاماسى پارتيانىڭ رەسمي سايتىندا جاريالانعان.

جالپىۇلتتىق سوتسيال-دەموكراتيالىق پارتيا - جەتىنشى، سايلاۋالدى باعدارلاماسىمەن مىنا سىلتەمە بويىنشا تانىسۋعا بولادى.

سايلاۋ كۇنى نە ىستەۋگە تىيىم سالىنادى؟

سايلاۋدىڭ مىندەتتى تالاپتارىنىڭ ءبىرى - داۋىس بەرۋ ءراسىمى. داۋىس بەرۋ ءراسىمى جابىق كابينادا وتەدى، وندا سايلاۋشىدان باسقا ەشكىم بولماۋى كەرەك. قاراۋعا دا تىيىم سالىنادى. سايلاۋ ۋچاسكەلەرىندە تەك اككرەديتتەلگەن جۋرناليستەر عانا فوتو جانە ۆيدەو تۇسىرە الادى.

قازاقستان پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋى 2023 جىلدىڭ 19 ناۋرىزىندا ءوتۋى ءتيىس. ءماجىلىس سايلاۋىمەن قاتار بارلىق دەڭگەيدەگى ءماسليحاتتار دەپۋتاتتارىنىڭ سايلاۋى وتەدى.

سايلاۋعا 7 ساياسي پارتيا جىبەرىلدى. بۇل رەتتە قازاقستان بويىنشا ءبىر مانداتتى وكرۋگتەر بويىنشا 609 كانديدات ۇسىنىلسا، ونىڭ 525-ءى ءوزىن-ءوزى ۇسىنعاندار.