جەر قويناۋىن پايدالانۋ پلاتفورماسى

پلاتفورما گەولوگيالىق اقپاراتقا قول جەت­كىزۋ­دى قامتاماسىز ەتۋگە، ليتسەنزيالىق ۋچاس­­كە­لەر­دى بولۋگە، سونداي-اق جەر قويناۋىن پاي­دا­­لا­نۋشىلاردىڭ ەسەپتىلىگى مەن قىزمەتىنىڭ مو­­ني­­تورينگىن قالىپتاستىرۋعا ارنالعان.

بۇرىن گەولوگيالىق ەسەپتەردى زەرتتەۋدەن باستاپ ليتسەنزيا الۋعا جانە جىل سايىنعى ەسەپتەردى ۇسىنۋعا دەيىنگى بارلىق ۇدەرىس قاعاز جۇزىندە جۇرگىزىلدى. سونىمەن قاتار ونى تەكسەرۋ ءۇشىن دەرەكتەردىڭ جەتكىلىكسىزدىگىنە بايلانىس­تى بىرقاتار سىبايلاس جەمقورلىق تاۋەكەلدەرى مەن قاتەلىك ورىن العانى دا ەسىمىزدە. ەندى جەر قويناۋىن پايدالانۋشىلار مەن الەۋەتتى ينۆەستورلارعا ىرگەلەس ينفراقۇرىلىمنان باس­تاپ، گەولوگيالىق جانە گەوفيزيكالىق ەسەپتەرگە دەيىنگى ەلەكتروندىق فورماتتا سۇرالعان ۋچاسكە تۋرالى تولىق مالىمەت قولجەتىمدى بولادى.

پلاتفورمادا قاتتى پايدالى قازبالاردى بارلاۋعا جانە وندىرۋگە وتىنىمدەردى قابىلداۋ، قاراۋ جانە ليتسەنزيا بەرۋ جۇمىستارىن جۇرگىزۋ باس­تال­دى. بۇعان قوسا ونلاين قابىل­داۋمەن بىرگە، ءتىپتى قاعاز تۇرىندەگى وتىنىم­دەر دە تىركە­لە­دى. وسى­لايشا، جەر قويناۋى جانە جەر قويناۋىن پاي­دالانۋ تۋرالى كودەكستە كوزدەلگەن ء«بىرىنشى كەل­گەن – ءبىرىنشى الادى» قاعيداتى بويىنشا جەر قويناۋىن پايدالانۋشىنىڭ جەر قويناۋىنا قول جەتكىزۋ قۇقىعىن ساقتاۋدىڭ اشىقتىعى قامتاماسىز ەتىلەدى.

قازىرگى تاڭدا جاڭا فۋنكتسيالاردى ازىر­لەۋ مەن الداعى مامىردا جوسپارلانعان ونەر­كا­سىپ­­كە ەنگىزۋگە دايىندىق پەن جەر قويناۋىن پايدالانۋشىلاردى وقىتۋ جانە پلاتفورما جۇمىسىن كورسەتۋ جۇرگىزىلىپ جاتىر. بۇل رەتتە ازىرلەۋشىلەر سەرۆيستەردى ودان ءارى دا­مى­تۋدا ەسكەرىلەتىن فۋنكتسيونالدى جاقسارتۋ جانە دامىتۋ جونىندە ۇسىنىستار جيناۋدى جۇ­زەگە اسىرادى.

پلاتفورمانىڭ اۆتوماتتاندىرىلعان قۇرال­دا­رى تابيعاتتى پايدالانۋ قاقتىعىستارىن بىردەن كورسەتەدى. پايدالانۋشىلاردىڭ زاڭ­ناماعا سايكەس بارلاۋ نەمەسە ءوندىرۋ جۇمىس­تا­رىن جۇرگىزۋگە رۇقسات ەتىلگەن نەمەسە تىيىم سالىنعان ۋچاسكەلەردى ءبىر تەرەزە ارقىلى قاراۋ­عا جانە تاڭداۋعا مۇمكىندىگى بولادى.

پلاتفورماعا 30 مىڭ گەولوگيالىق ەسەپ جۇك­تەلگەن. بيىل كەم دەگەندە 24 مىڭ ەسەپتى زەر­دەلەۋ كارتاسىن تولىقتىرۋ جوسپارلانعان. سون­داي-اق جەر قويناۋىن پايدالانۋشىلاردىڭ ليتسەنزيالىق-كەلىسىمشارتتىق تالاپتارىنىڭ ورىن­دالۋىن مونيتورينگىلەۋ بويىنشا جاڭا فۋنك­تسيالار ازىرلەنەدى.

ەسكە سالا كەتەيىك، بۇعان دەيىن بۇل جوبانى مەملەكەت باسشىسىنىڭ تاپسىرماسى بويىنشا ەكولوگيا جانە تابيعي رەسۋرستار مينيسترلىگى جۇزەگە اسىرعان بولاتىن. كەيىن جوبا تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنە بەرىلدى.