الەۋمەتتىك جەلى قولدانۋشىلارى قىرعىز-قازاق شەكاراسىنداعى قورداي بەكەتىندە بازا جاڭارتىلعانىن حابارلادى. بۇل رەتتە شەكارادان جاياۋ وتكەندە ەكى تەرەزە عانا جۇمىس ىستەيدى, بىرنەشە ساعات كەزەكتە تۇرۋعا تۋرا كەلەدى.
«قازاقستان رەسپۋبليكاسىنىڭ مەملەكەتتىك شەكاراسى تۋرالى» قازاقستان رەسپۋبليكاسىنىڭ زاڭىنا سايكەس قازاقستان رەسپۋبليكاسىنىڭ مەملەكەتتىك شەكاراسى ارقىلى ادامداردى, كولىك قۇرالدارىن, جۇكتەر مەن تاۋارلاردى وتكىزۋ قر ۇقك شەكارا قىزمەتىنىڭ قۇزىرەتىنە جاتادى. قازاقستان-قىرعىزستان شەكاراسىنداعى كەزەك سەبەپتەرىن ءبىلۋ ءۇشىن ولارعا حابارلاسۋ قاجەت», دەدى مەملەكەتتىك كىرىستەر كوميتەتى وكىلدەرى.
«قورداي» باقىلاۋ-وتكىزۋ بەكەتىندە جەكە تۇلعالار نەگىزىنەن اۆتوكولىكپەن جانە جاياۋ وتەدى, بۇل تۇلعالاردى شەكارادان وتكىزۋدى تەك ۇقك شەكارا قىزمەتى جۇزەگە اسىرادى.
ۇقك ءباسپاسوز قىزمەتى تۇسكە دەيىن شەكارادا شىعۋ جانە كىرۋگە شىنىمەن دە ۇزىن-سونار كەزەك بولعانىن راستادى. قازىر ونداي كەزەك جوق.
ۇقك شەكارادان ءوتۋ ەرەجەلەرى وزگەرمەگەنىن, كەزەك ادامداردىڭ كوپتىگىنەن بولعانىن ايتتى.
