قازىر ەلىمىزدىڭ توعىز قالاسىندا «سەرگەك» جوباسى جۇزەگە اسىرىلعان.
«قازىرگى ۋاقىتتا «سەرگەك» جوباسى ەلىمىزدىڭ توعىز قالاسىندا: استانا, الماتى, وسكەمەن, اتىراۋ, شىمكەنت, تۇركىستان, تاراز, سەمەي جانە اقتاۋدا جۇزەگە اسىرىلىپ جاتىر, مۇندا 34 مىڭنان اسا كامەرا ورناتىلعان», دەدى ءىىم وكىلدەرى.
ىشكى ىستەر مينيسترلىگى مالىمەتىنشە, «سەرگەك» بەينەباقىلاۋ كامەرالارىن ورناتۋ نەگىزىنەن جەرگىلىكتى اتقارۋشى ورگانداردىڭ مەملەكەتتىك-جەكەمەنشىك ارىپتەستىك ء(مجا) جوبالارى اياسىندا جۇزەگە اسىرىلعان. «سەرگەك» جۇيەسىنىڭ جۇمىس قابىلەتتىلىگىن, تەحنيكالىق قىزمەت كورسەتۋىن جانە قولداۋىن «كوركەم تەلەكوم» جشس قىزمەتكەرلەرى قامتاماسىز ەتەدى.
ء«مجا كەلىسىمى بويىنشا, جەرگىلىكتى اتقارۋشى ورگانداردان پايدالانۋ جانە ۇستاۋعا اقشا بولىنەدى. استانادا بۇل جۇيە العاش رەت 2017 جىلى ەنگىزىلىپ, ەڭ جوعارى تەحنولوگيالىق جوبالاردىڭ بىرىنە اينالدى. الماتى قالاسىندا جول قوزعالىسى قاۋىپسىزدىگىن قامتاماسىز ەتۋ جانە جۇرگىزۋشىلەردىڭ ءتارتىبىن ارتتىرۋ ماقساتىندا 2021 جىلى ءمجا جوباسى اياسىندا اكىمدىكپەن ورناتىلعان 5034 «سەرگەك» كامەراسى بار. سونىمەن قاتار قازىرگى ۋاقىتتا «سەرگەكتىڭ» قوسىمشا 2944 كامەراسىن ورناتۋ جۇمىستارى جۇرگىزىلىپ جاتىر, ولاردى قوسۋ 2023 جىلدىڭ 2-توقسانىنا جوسپارلانعان», دەپ قورىتىندىلادى ءىىم ءباسپاسوز قىزمەتى وكىلدەرى.
