سوڭعى جىلدارى تولەم ۇيىمدارى جۇرگىزگەن وپەراتسيا كولەمى تۇراقتى ءوسۋ ديناميكاسىن كورسەتىپ وتىر. 2022 جىلى تولەم ۇيىمدارىنىڭ سەرۆيسى ارقىلى جۇرگەن اقشا اينالىمى 6 ترلن تەڭگەنى قۇرادى, بۇل 2021 جىلمەن سالىستىرعاندا 73,3 پايىزعا كوپ. 2022 جىلى جاسالعان ترانزاكتسيالار سانى 597,3 ملن-عا جەتىپ, 12,0 پايىزعا وستى.
نارىقتا جۇمىس ىستەيتىن بارلىق تولەم ۇيىمدارىنىڭ ەلەۋلى ۇلەسى (اقشا اينالىمىنىڭ 87 پايىزى) 15 تولەم ۇيىمىنا تيەسىلى.
2022 جىلى ايتارلىقتاي ءوسىم كليەنتتەردىڭ ءموبيلدى قۇرىلعىلار مەن ينتەرنەت ارقىلى جۇرگىزگەن وپەراتسيالارىندا بايقالدى. بارلىعى 3 110 ملرد تەڭگەگە 251 ملن وپەراتسيا جۇرگىزىلدى (2021 جىلمەن سالىستىرعاندا 2 ەسە كوپ).
قولما-قول اقشانى قابىلداۋعا قاتىستى تولەم ۇيىمدارى 1 983 ملرد تەڭگەگە 168,4 ملن وپەراتسيا جۇرگىزدى. بۇل كورسەتكىش 2021 جىلمەن سالىستىرعاندا 39,1 پايىزعا جوعارى.
سونىمەن قاتار ەلەكتروندى اقشامەن جاسالعان وپەراتسيالاردا دا ءوسىم بار. 2022 جىلى بۇنداي وپەراتسيالاردىڭ بارلىعى 514,6 ملرد تەڭگەگە جۇرگىزىلدى.
تولەم ۇيىمدارىنىڭ اۋماقتىق شوعىرلانۋى: تولەم ۇيىمدارىنىڭ 86,7 پايىزى – الماتى قالاسىندا, 7,6 پايىزى – استانا قالاسىندا, قاراعاندى, قوناەۆ بويىنشا – 1,9 پايىزدان, سونداي-اق شىمكەنت پەن رۋدنىي بويىنشا – 1,0 پايىزدان ورنالاسقان.
