مەملەكەتتىك كىرىستەر كوميتەتى ۇسىنعان مالىمەت بويىنشا, بۇگىنگى كۇنى 18 مىڭنان استام ارىز تۇسكەن. ارىزدار نەگىزىندە ە-Gov (94%) جانە e-Salyq Azamat (6%) موبيلدىك قوسىمشاسى ارقىلى ءتۇسىپ جاتىر.
«قازاقستان رەسپۋبليكاسى ازاماتتارىنىڭ تولەم قابىلەتتىلىگىن قالپىنا كەلتىرۋ جانە بانكروتتىعى تۋرالى» زاڭىنىڭ تالاپتارىنا سايكەس, مەملەكەتتىك كىرىستەر ورگاندارى 15 جۇمىس كۇن ىشىندە ازاماتتىڭ كەلەسى شارتتارعا سايكەس كەلۋىن تەكسەرەدى:
- بورىش بانك, ميكروقارجى ۇيىمدارى (مقۇ) جانە كوللەكتورلىق اگەنتتىكتەر الدىندا 5,5 ملن تەڭگەدەن (1600 اەك) اسپاۋى;
- بورىشتىڭ وتەلمەۋ مەرزىمى ون ەكى ايدان اسۋى;
- نەكەدە بىرگە الىنعان م ۇلىكتى قوسا العاندا, مەنشىك قۇقىعىندا م ۇلىكتىڭ بولماۋى (كولىك, ءۇي, جەر ءتىلىمى, بانكتەگى دەپوزيت جانە ت.ب.);
- بانكپەن, مقۇ بورىشتار بويىنشا رەتتەۋ ءراسىمىن جۇرگىزىلۋى.
تەكسەرىس اۆتوماتتاندىرىلعان نىساندا تىركەۋشى مەملەكەتتىك ورگانداردىڭ, بانكتەردىڭ جانە كرەديتتىك بيۋرولاردىڭ ەلەكتروندىق دەرەكتەرى بازاسىمەن سالىستىرۋ ارقىلى جۇزەگە اسىرىلادى.
الدىن الا مالىمەت بويىنشا, جەكەلەگەن ازاماتتاردىڭ بانكروتتىقتى قولدانا المايتىندىعى كەلەسى سەبەپتەرمەن انىقتالدى:
- 12 اي ىشىندە قارىز ءىشىنارا وتەلگەنى;
- بورىشكەردىڭ نەمەسە زايىبىنىڭ مۇلكى بولۋى;
- بانكپەن نە مقۇ رەتتەۋ ءراسىمىن جۇرگىزۋى تۋرالى قۇجاتتىڭ بولماۋى;
- دارا كاسىپكەر رەتىندە تىركەلگەندىگى;
- اتاۋلى الەۋمەتتىك كومەكتى 6 ايدا از مەرزىمدە الۋى.
مەملەكەتتىك كىرىستەر كوميتەتى ازاماتتاردىڭ تەلەفونىنا 1414 قىزمەتى ارقىلى سوتتان تىس بانكروتتىق ءراسىمىن قولدانۋدان باس تارتۋ تۋرالى حابارلاما جىبەرىلەتىنىن اتاپ ءوتتى.
ەگەر مۇنداي حابارلاما الىنعان بولسا, سوتتان تىس بانكروتتىققا قويىلعان ولشەمدەرگە سايكەس كەلسە 3 ايدان كەيىن قايتا وتىنىشپەن جۇگىنۋگە بولادى.
باس تارتۋ سەبەپتەرىن جويۋ ءۇشىن ءتيىستى ۋاكىلەتتى ورگانعا جۇگىنۋ قاجەت:
- م ۇلىكتىڭ بولۋى, زاڭدى تۇلعالاردا قاتىسۋى تۋرالى – ادىلەت ورگاندارىنا (حقكو, «ەلەكتروندىق ۇكىمەت» پورتالى ارقىلى);
- جەر ءتىلىمى, اۋىلشارۋاشىلىعى جانۋارلارى جانە ارنايى تەحنيكا بويىنشا – اۋىل شارۋاشىلىعى باسقارماسى (جەرگىلىكتى اكىمشىلىككە);
- اۆتوكولىك قۇرالدارى بويىنشا – ىشكى ىستەر باسقارماسىنا, مامانداندىرىلعان حقكو;
- دارا كاسىپتىڭ بولۋى بويىنشا – اۋداندىق مەملەكەتتىك كىرىستەر باسقارماسىنا;
- كرەديت سوماسى, قايتارۋ مەرزىمدەرى بويىنشا – ءتيىستى بانككە, مقۇ-عا نەمەسە كوللەكتورلىق اگەنتتىكتەرگە. ەگەر بانك نە مقۇ نەمەسە كوللەكتورلىق اگەنتتىكتەرى ءتيىستى قۇجات بەرمەسە ايماقتىق قارجى نارىعىن رەتتەۋ جانە دامىتۋ اگەنتتىگىنىڭ بولىمىنە جۇگىنۋگە بولادى.
ەگەر بورىشكەرگە مۇلكىنىڭ بولۋىنا بايلانىستى سوتتان تىس بانكروتتىق ءراسىمىن قولدانۋدان باس تارتىلعان جاعدايدا, ول تۇرعىلىقتى جەرى بويىنشا اۋداندىق سوتقا تولەم قابىلەتتىلىگىن قالپىنا كەلتىرۋ نەمەسە سوت ارقىلى بانكروتتىق ءراسىمىن قولدانۋ ءۇشىن جۇگىنۋگە قۇقىلى.
