مەملەكەتتىك قىزمەتتەردى تسيفرلاندىرۋ جانە اۆتوماتتاندىرۋ دەپارتامەنتىنىڭ مالىمدەۋىنشە, قر وقۋ-اعارتۋ مينيسترلىگى مەن مەملەكەتتىك ورگانداردىڭ اقپاراتتىق جۇيەلەرىن ينتەگراتسيالاۋ ناتيجەسىندە 2023 جىلعى ناۋرىز ايىنان باستاپ كوللەدج ستۋدەنتتەرىنە پرواكتيۆتى فورماتتا SMS جولدانا باستايدى.
«كۇندىزگى وقۋ نىسانىنداعى كوللەدج ستۋدەنتتەرىنە اسكەري قىزمەتكە شاقىرۋدى كەيىنگە قالدىرۋ وقۋ اياقتالعانعا دەيىن بەرىلەدى. ول وقۋ-اعارتۋ مينيسترلىگىنىڭ ۇلتتىق جالپى ءبىلىم بەرۋ دەرەكتەر بازاسىنان راستالادى جانە سونىڭ نەگىزىندە SMS ارقىلى كەيىنگە قالدىرۋ نەمەسە اسكەردەن بوساتۋ رۇقساتى بەرىلەدى», دەدى مەملەكەتتىك قىزمەتتەردى تسيفرلاندىرۋ جانە اۆتوماتتاندىرۋ دەپارتامەنتىنىڭ ديرەكتورى ازات تيشتىباەۆ.
