بۇگىن قوردىڭ 15 جىلدىعىنا وراي جانە «كورىسۋ» مەرەكەسىنىڭ ءبىرىنشى كۇنى ونەركاسىپتىك قاۋىپسىزدىك سالاسىنىڭ جاس ماماندارى ماڭعىستاۋ وبلىسى جاڭاوزەن وڭىرىندەگى 21 ويىن الاڭىنىڭ العاشقى ۇشەۋىنىڭ اشىلۋ سالتاناتىنىڭ قۇرمەتتى قوناعى بولدى.
وتكەن جىلى «سامۇرىق-قازىنا» اق كومپانيالار توبى اتىنان «Samruk-Kazyna Trust» قايىرىمدىلىق قورى جاڭاوزەن قالاسى مەن جەتىباي اۋىلىندا جاڭا ءارى قاۋىپسىز, قازىرگى زامانعا ساي فۋتبول, باسكەتبول, ۆولەيبول جانە باسقا دا سپورت تۇرلەرىنە ارنالعان بالالار الاڭدارىنىڭ قۇرىلىسىن باستاعان ەدى. بۇگىندە قۇرىلىس جۇمىستارى اياقتالىپ, العاشقىلارى جاڭاوزەن قالاسىندا ىسكە قوسىلدى.
بۇل جاڭالىق جاڭاوزەندىك بالالاردى عانا ەمەس, ەرەسەك تۇرعىنداردى دا زور قۋانىشقا بولەدى. كولەمى 1200 شارشى مەترگە دەيىنگى ويىن الاڭدارى ساپا جاعىنان بارلىق تالاپتارعا ساي كەلەدى ءارى ورنالاسقان اۋماعىنىڭ ينفراقۇرىلىمىنا كورىك بەرىپ تۇر.
- «سامۇرىق-قازىنا» ۇلتتىق ءال-اۋقات قورىنىڭ قارجىلاندىرۋىمەن سالىنىپ, پايدالانۋعا بەرىلىپ وتىرعان نىسان جاستار مەن بالالارى ءۇشىن بوس ۋاقىتىن ءتيىمدى ءارى پايدالى وتكىزىپ, دەنساۋلىعىن شىنىقتىراتىن تاپتىرماس ورىن بولماق. تۇرعىنداردىڭ اتىنان ۇلكەن العىسىمىزدى بىلدىرەمىز. ەندى وسى جەردى اركىم, اسىرەسە اتا-انالار جاعى كوزىنىڭ قاراشىعىنداي كۇتىپ ۇستاسا ەكەن, - دەدى جاڭاوزەندىك قوعام بەلسەندىسى, ۇەۇ وكىلى رۋحيا قالدىباي.
- «سامۇرىق-قازىنا» قورى ۇيىمداستىرعان شاراعا قاتىسۋشى جاستار وكىلى رەتىندە «Samruk-Kazyna Trust» اشقان تاماشا الاڭعا كۋا بولىپ, مۇنايشى جاستار اتىنان العىس ايتامىز, - دەدى «قازمۇنايگاز» ۇك» اق قاراستى «Oil Services Company» جشس قىزمەتكەرى ادىلەت ءمۇتالى.
ناۋرىز ايىنىڭ سوڭىنا دەيىن ارقايسىنىڭ اۋماعى 400-دەن 1200 شارشى مەترگە دەيىنگى تاعى دا 18 (بارلىعى جەتىباي اۋىلىندا 6, جاڭاوزەن قالاسىندا 15) سپورت الاڭى قولدانىسقا تاپسىرىلادى. اتالمىش جوباعا بارشا قور كومپانيالار توبى اتىنان «Samruk-Kazyna Trust» كورپوراتيۆتىك قورى ارقىلى 1 مللرد تەڭگەدەن استام قاراجات ءبولىندى.
- «سامۇرىق-قازىنا» قورى ءۇشىن قايىرىمدىلىق كومەك كورسەتۋ كەزىندە جوبالاردىڭ جۇيەلىلىگى جانە كومپانيالار توبىنىڭ كاسىپورىندارى بار وڭىرلەردى قامتۋ, تۇرعىنداردىڭ ءال-اۋقاتىن جاقسارتۋ ماڭىزدى بولىپ تابىلادى. بۇگىندە تۇساۋى كەسىلىپ جاتقان جانە ناۋرىز ايىنىڭ سوڭىنا دەيىن بەرىلەتىن سپورت الاڭدارى تۇتاس قوعام يگىلىگىنە جارايدى دەگەن سەنىمدەمىز, - دەپ اتاپ ءوتتى «سامۇرىق-قازىنا» قورىنىڭ باسقارۋشى ديرەكتورى عيبرات اۋعانوۆ.
جاڭا الاڭداردىڭ تۇساۋكەسەر راسىمىنە قالا تۇرعىندارى, قوعام بەلسەندىلەرى جانە جەرگىلىكتى جۇيەقۇراۋشى مۇناي سالاسى كاسىپورىندارىنىڭ وكىلدەرى قاتىستى.
- «سامۇرىق-قازىنا» اق كومپانيالار توبى اتىنان قايىرىمدىلىقتىڭ بىرىڭعاي وپەراتورى «Samruk-Kazyna Trust» قورى جاڭاوزەن قالاسىندا كوپتەگەن الەۋمەتتىك ماسەلەلەردى شەشۋدە قولداۋ كورسەتىپ كەلەدى. وتكەن جىلى جاڭاوزەندىك مەكتەپتەردى جاڭا پارتالار جيىنتىعىمەن جانە ينتەراكتيۆتى تاقتالارمەن جابدىقتاۋعا, وڭالتۋ ورتالىعىنىڭ, بەيىمدەلگەن سپورت سەكتسيالارى مەن كەشەنىنىڭ اشىلۋىنا كومەكتەستى. بۇل قالانىڭ دامۋىنا جانە بالالارىمىزدىڭ بولاشاعىنا قوسىلعان باعا جەتپەس ۇلكەن ۇلەس. ءارى قاراي دا ىنتىماقتاستىعىمىز تۇراقتى جانە تابىستى بولادى دەپ ۇمىتتەنەمىز, - دەدى ءوز سوزىندە جاڭاوزەن قالاسى اكىمىنىڭ ورىنباسارى جاڭاباي ايماعانبەتوۆ.
وسىلايشا, اقپان ايىندا باستالعان «Samruk-Kazyna Trust» الەۋمەتتىك جوبالاردى دامىتۋ قورىنىڭ «ىنتىماق» جوباسى ەلىمىزدىڭ باتىسىندا جالعاسىن تاپتى. جوبا قوردىڭ ەڭبەك ۇجىمدارىن «Samruk-Kazyna Trust» بىرىڭعاي وپەراتورى كومپانيالار توبىنىڭ اتىنان جۇزەگە اسىراتىن قايىرىمدىلىق قىزمەتىمەن بىرتىندەپ تانىستىرۋعا باعىتتالعان.
2022 جىلى «Samruk-Kazyna Trust» قورى ارقىلى ءبىر عانا ماڭعىستاۋ وڭىرىندە 1,8 ملرد تەڭگە سوماعا 8 الەۋمەتتىك جوبا جۇزەگە اسىرىلدى.
