«ونىڭ ىشىندە 41 شەت مەملەكەتتەن 124 باقىلاۋشى جانە 12 حالىقارالىق ۇيىمنان 662 باقىلاۋشى بار. حالىقارالىق بايقاۋشىلاردىڭ قاتىسۋى ناۋقاننىڭ اشىقتىعى مەن جاريالىعىنا, مەملەكەت تاراپىنان حالىقارالىق مىندەتتەمەلەردىڭ ساقتالۋىنا ىقپال ەتەتىندىگىن تاعى دا اتاپ وتكىم كەلەدى. بۇل ءبىزدىڭ حالىقارالىق مىندەتتەمەلەرگە سۇيەنەتىندىگىمىزدىڭ دالەلى, سونداي-اق حالىقارالىق ۇيىمدارمەن جانە شەت مەملەكەتتەرمەن سايلاۋ سالاسىنداعى تىعىز ىنتىماقتاستىقتى جالعاستىرۋ ەكەنىن دە بىلدىرەدى. باسقا ەلدەردىڭ ورتالىق سايلاۋ ورگاندارىنداعى ارىپتەستەرىمىزدىڭ كەلۋى ءبىز ءۇشىن دە وتە ماڭىزدى ەكەنىن اتاپ وتكىم كەلەدى», دەدى نۇرلان ءابدىروۆ
ول اككرەديتاتسيادان وتكەن بارلىق باقىلاۋشىلارعا قازاقستاندا جۇرگىزىلىپ جاتقان سايلاۋ ناۋقاندارىنا تۇراقتى قىزىعۋشىلىق تانىتقاندارى ءۇشىن العىس ءبىلدىردى.
وسك توراعاسى پارلامەنتتىك سايلاۋدى باقىلاۋعا 16 مەملەكەتتىڭ ورتالىق سايلاۋ ورگاندارىنىڭ وكىلدەرى, ونىڭ ىشىندە ازەربايجان, مولدوۆا, موڭعوليا, وزبەكستان جانە تاجىكستاننىڭ سايلاۋ كوميسسيالارىنىڭ بەس توراعاسى كەلەتىنىن ايتتى.
قازاقستان رەسپۋبليكاسى پارلامەنتى ءماجىلىسى مەن ءماسليحاتتارى دەپۋتاتتارىنىڭ كەزەكتەن تىس سايلاۋى 2023 جىلى 19 ناۋرىزدا وتەدى.
