جيىن بارىسىندا قاسىم-جومارت توقاەۆ ەلىمىزدى دامىتۋ ءۇشىن ساياسي جۇيەنى عانا جاڭعىرتۋ جەتكىلىكسىز ەكەنىن ايتتى.
«رەفورمالار, ەڭ الدىمەن, قوعامدا جاڭا ساياسي مادەنيەت قالىپتاستىرۋى كەرەك. سونىمەن بىرگە جاڭا قۇندىلىقتاردى ورنىقتىرۋى قاجەت. ەڭ الدىمەن, ەل مۇددەسىنە جانە ءار ادامنىڭ قۇقىعىنا باسىمدىق بەرىلەدى», دەدى پرەزيدەنت.
سونداي-اق ول زاڭ مەن ءتارتىپ ساقتالعان جەردە ءاردايىم تۇراقتىلىق بولاتىنىن اتاپ ءوتتى.
«گەوساياسي احۋال ۋشىققان كەزدە مەملەكەتتىڭ جانە ازاماتتاردىڭ جاۋاپكەرشىلىك جۇگى ارتادى. اڭداماي ايتىلعان ءبىر اۋىز ءسوز, ويلانباي قابىلدانعان ءبىر شەشىم ەلگە زاردابىن تيگىزۋى مۇمكىن. ارينە, مەملەكەت ءسوز بوستاندىعىنا كەپىلدىك بەرەدى. اركىمنىڭ قالاۋىنشا قارەكەت جاساۋىنا مۇمكىندىك بار.
بىراق بۇل باسسىزدىققا جول بەرۋ دەگەن ءسوز ەمەس. ءاربىر ازامات ەلدىڭ تىنىشتىعىن جانە ونىڭ اۋماقتىق تۇتاستىعىن ساقتاۋعا قاتىستى زاڭ تالاپتارىن مۇلتىكسىز ورىنداۋعا مىندەتتى. زاڭ مەن ءتارتىپ بار جەردە تۇراقتىلىق بولادى. بۇل قاعيدا – بارلىعىنا ورتاق», دەدى مەملەكەت باسشىسى.
