2021 جىلى قازاقستاندىق اسكەري قىزمەتشىلەر سايىسقا بايقاۋشى رەتىندە قاتىسسا, بۇل جولى باحرەين, يوردانيا, يراك, كاتار, ماروككو, ساۋد ارابياسى, اقش, تايلاند, وزبەكستان قارۋلى كۇشتەرىنىڭ كوماندالارىمەن بىرگە تولىققاندى قاتىسۋشىعا اينالدى. ازەربايجان, ميانما جانە نيگەريا قارۋلى كۇشتەرىنىڭ وكىلدەرى PATS-2023 بارىسىن باقىلادى.
جارىسقا «شىعىس» وڭىرلىك قولباسشىلىعىنىڭ 44736 اسكەري ءبولىمىنىڭ اسكەري قىزمەتشىلەرى قاتىستى.
جارىس شارتتارى بويىنشا ۇزىندىعى 70 شاقىرىمعا جۋىق باعىتتا كوماندالار ازيمۋتتى باعدارلاي وتىرىپ, تاپسىرمالاردى پىسىقتاپ, باقىلاۋ پۋنكتتەرىنەن ءوتتى. ۇيىمداستىرۋشىلاردىڭ جوسپارى بويىنشا توپتار جاۋ باسىپ العان بەيتانىس كروسس بويىنشا ءجۇردى.
ء«بىز ءۇشىن جارىستىڭ ەرەكشەلىگى قارلى ءارى ايازدى قىستان 30 گرادۋستىق جىلى وڭىرگە تاپ بولدىق. تاعى ءبىر فاكتور بولدى – جاڭا كوپۇلتتى كوممۋنيكاتيۆتى ورتاعا ەنۋ. ءۇش كۇن قاتارىنان, كۇندىز-ءتۇنى ءبىز مارشرۋتتا تاپسىرمالاردى ورىندادىق. ءبىز ءۇشىن بۇل جاۋىنگەرلىك داعدىلار مەن كەز كەلگەن, سونىڭ ىشىندە ەكسترەمالدى جاعدايلاردا جۇمىس ىستەۋ قابىلەتىنىڭ تاماشا سىناعى بولدى», دەپ قورىتىندىلادى كوماندا جەتەكشىسى پولكوۆنيك دينار قۇربانباەۆ.
