تۇلكىباس اۋدانىنىڭ پوليتسيا قىزمەتكەرلەرى 2020 جىلى مامىر ايىندا ت. رىسقۇلوۆ اۋىلىندا ماس حالدە كولىك باسقارعان جۇرگىزۋشىنى انىقتاعان بولاتىن. ال مەديتسينالىق زەرتتەۋ تۇرعىننىڭ «اۋىر دارەجەلى» ماستىعىن راستاعان.
اتالعان جايت قر اقبتك-ءنىڭ 608-بابىمەن تىركەلىپ, جيناقتالعان قۇجاتتار زاڭدى شەشىم قابىلداۋ ءۇشىن تۇلكىباس اۋداندىق سوتىنا جولدانعان. الايدا كىنالى جۇرگىزۋشى وعان قاتىستى شەشىم شىقپاي تۇرىپ, جاسىرىنىپ ۇلگەرگەن.
ياعني, ءۇش جىلدان بەرى ءىزىن سۋىتىپ, قاشىپ جۇرگەن. ال پوليتسەيلەر بۇل جۇرگىزۋشىنىڭ جۇرگەن جەرىن انىقتاپ, جاۋاپقا تارتۋ ماقساتىندا جىلدار بويى ىزدەستىرۋدى توقتاتپادى. وسى جىلدىڭ ناۋرىز ايىنىڭ باسىندا جۇرگىزۋشىنىڭ سارىاعاش قالاسى اۋماعىندا جۇرگەنى بويىنشا جەدەل اقپارات ءتۇسىپ, 2 بىردەي ۋچاسكەلىك پوليتسيا ينسپەكتورى قىزمەتتىك ىسساپارعا شىقتى. پوليتسەيلەر اقىرى ونىڭ ىزىنە ءتۇسىپ, جۇرگەن جەرىن انىقتادى.
ناتيجەسىندە جاۋاپكەرشىلىكتەن جالتارىپ جۇرگەن تۇرعىن الماتى – تاشكەنت – تەرمەز تاسجولى بويىندا كەتىپ بارا جاتقان تۋىسىنىڭ جۇك كولىگىندە جاسىرىنىپ جاتقان جەرىنەن انىقتالىپ, پوليتسياعا جەتكىزىلدى. ماس جۇرگىزۋشى تۇلكىباس اۋداندىق سوتىنىڭ قاۋلىسىمەن قر اقبتق-ءنىڭ 608-بابىنا سايكەس, كولىك باسقارۋ قۇقىعىنان 7 جىلعا ايىرىلىپ, 15 تاۋلىككە اكىمشىلىك قاماۋعا الىندى.
