«الماتى قالاسى مەدەۋ اۋدانىنىڭ №2 سوتىنىڭ ۇكىمىمەن پارا العانى ءۇشىن «الماتى جىلۋ جەلىلەرى» جشس (بۇدان ءارى - اجج) باس ديرەكتورى ك. بەيسەنبينوۆكە 560 ملن تەڭگە سوماسىندا ايىپپۇل تاعىلدى. سونىمەن قاتار اجج باس ينجەنەرى د. قازىمبەتوۆ 560 ملن تەڭگە سوماسىندا ايىپپۇل, اجج كۇردەلى قۇرىلىس باسقارماسىنىڭ باستىعى س. دجينگيلباەۆ 560 ملن تەڭگە كولەمىندەگى ايىپپۇلعا, سونداي-اق پارا بەرگەنى ءۇشىن «سپەتسكوممۋنستروي» جشس ديرەكتورى ب.رازيمبەكوۆ 400 ملن تەڭگە ايىپپۇل تۇرىندە جازا تاعايىنداۋمەن سوتتالدى», دەلىنگەن ۆەدومستۆو حابارلاماسىندا.
اتالعان ادامدار مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرىلدى. سوتتالعاندار ءۇشىن ايىپپۇلدىڭ جالپى سوماسى 2 ملرد 80 ملن تەڭگەنى قۇرادى, بۇل 350 ورىندىق مەكتەپ نەمەسە 320 ورىندىق بالاباقشا قۇرىلىسىنىڭ بيۋدجەتىنە تەڭ.
اجج لاۋازىمدى تۇلعالارى الماتى قالاسىندا جىلۋ جەلىلەرىن قايتا قۇرۋ تۋرالى شارتتار بويىنشا ورىندالعان جۇمىستار اكتىلەرىنە كەدەرگىسىز قول قويعانى جانە اقشا قاراجاتىن اۋدارعانى ءۇشىن ب. رازيمبەكوۆتەن 16 ملن تەڭگە سوماسىندا پارا الدى دەپ كۇدىكتەندى.
قر قك 41-بابىنا سايكەس ايىپپۇل بەلگىلەنگەن مەرزىمدە تولەنبەگەن جاعدايدا جازا شاراسى باس بوستاندىعىنان ايىرۋعا اۋىستىرىلادى (سوت ۇكىمى زاڭدى كۇشىنە ەنگەن جوق).
