ازامات ءوتىنىم بەرمەس بۇرىن مىنا دەرەكتەردى مىندەتتى تۇردە تەكسەرۋى ءتيىس:
- بانكتەر, ميكروقارجى ۇيىمدارى, كوللەكتورلىق اگەنتتىكتەر الدىنداعى بەرەشەك 5,5 ملن تەڭگەدەن اسپاۋى جانە كەشىكتىرۋ مەرزىمى 12 ايدان كەم بولماۋى;
- م ۇلىككە, ونىڭ ىشىندە ورتاق مەنشىكتەگى م ۇلىككە مەنشىك قۇقىعىنىڭ بولماۋى (Egov.kz.);
- ءوز تەلەفونىڭىزدىڭ جانە جۇبايىڭىزدىڭ ءنومىرىن ءموبيلدى ازاماتتار بازاسىندا (Mاب) تىركەۋ. ۇيالى تەلەفون ءنومىرىن تىركەۋ ءۇشىن my.egov.kz سىلتەمەسى بويىنشا ءوتۋ كەرەك.
- ارىزعا كرەديتورمەن (ەكىنشى دەڭگەيدەگى بانكپەن نەمەسە ميكروقارجى ۇيىمىمەن) قارىزدى رەتتەۋ تۋرالى قۇجات قوسا بەرىلەدى.
بانكتىڭ رەتتەۋدەن باس تارتۋى جانە ءوتىنىشتىڭ كوشىرمەسى نەمەسە ءوتىنىشتى ەلەكتروندى فورماتتا جىبەرۋ تۋرالى راستاۋ (بانكتەن جاۋاپ بولماعان جاعدايدا) رەتتەۋ قۇجاتى دەپ سانالادى. كوللەكتورلىق اگەنتتىكتەر الدىنداعى قارىز بويىنشا رەتتەۋ قۇجاتى قاجەت ەمەس.
«ۇلتتىق اقپاراتتىق تەحنولوگيالار» اق باسقارما توراعاسى روستيسلاۆ كونياشكيننىڭ ايتۋىنشا, قۇجاتتاردىڭ تولىق پاكەتىن جيناماي تۇرىپ eGov.kz پورتالىندا ءوتىنىم بەرۋدىڭ نەمەسە حالىققا قىزمەت كورسەتۋ ورتالىعىنا بارۋدىڭ ءمانى جوق. ەڭ الدىمەن ەكىنشى دەڭگەيلى بانكتەن قاجەتتى راستاۋدى الۋ كەرەك. سودان كەيىن عانا جەكە تۇلعا بانكروتتىعىنا ءوتىنىم بەرۋگە بولادى.
سوتتان تىس بانكروتتىق پروتسەدۋراسىن قولدانۋ تۋرالى ءوتىنىمدى بەرۋ ءۇشىن:
- قازاقستان رەسپۋبليكاسىنىڭ جوعارىدا اتالعان زاڭىندا كوزدەلگەن ازاماتتى بانكروت دەپ تانۋ تۋرالى سوتتان تىس تارتىپپەن ارىز بەرۋ تالاپتارىنىڭ ساقتالۋىن راستاۋى;
- نەكەدە بولعان جاعدايدا جۇبايىنىڭ (جولداسىنىڭ) جسن-ىن كورسەتۋى;
- نەسيەسى بار قارجى ۇيىمدارى تۋرالى دەرەك ەنگىزۋى;
- سالىق ورگانىن كورسەتىپ, قۇجاتتار كوشىرمەسىن ەنگىزۋى;
- ەگەر اتاۋلى الەۋمەتتىك كومەك الاتىن بولسا ارنايى بەلگى قويۋى;
- مىندەتتەمەنى ورىنداۋ مەرزىمى 5 جىلدان اسقان بولسا ارنايى بەلگى قويۋى;
- وتىنىمگە بىررەتتىك قۇپيا سوزبەن نەمەسە ەتسق-مەن قول قويۋى;
- ءوتىنىمدى جىبەرگەننەن كەيىن جەكە كابينەتتە جۇبايى (جولداسى) كەلىسىم بەرۋ ءتيىس.
ءوتىنىم جاۋابى 15 جۇمىس كۇنى ىشىندە شەشىمگە سىلتەمە كۇيىندە جەكە كابينەتكە كەلىپ تۇسەدى. شەشىمدى قارجى مينيسترلىگىنىڭ سايتىنان دا قاراۋعا بولادى. سوتتان تىس بانكروتتىق پروتسەدۋراسىن جۇرگىزۋ ۋاقىتى 6 ايعا دەيىن سوزىلادى.
سوتتان تىس بانكروتتىق ءراسىمىن قولدانۋدان باس تارتۋ تۋرالى حابارلامانى العان جاعدايدا ازامات باس تارتۋعا سەبەپ بولعان نەگىزدەر جويىلعاننان كەيىن, بىراق باس تارتۋدى العان كۇننەن كەيىنگى كۇنتىزبەلىك 3 ء(ۇش) ايدان ەرتە ەمەس مەرزىمدە قايتا جۇگىنۋگە قۇقىلى.
بانكروتتىققا ءوتىنىم بەرۋدىڭ نەگىزگى قادامدارى مىناداي:
- eGov.kz پورتالىنىڭ باستى بەتىندە جانە «ازاماتتارعا» بولىمىندە «سالىق جانە كەدەن», ودان ءارى قاراي «ەكونوميكا جانە قارجى» ايدارىن تابۋ كەرەك.
- سونىڭ ىشىندە «سوتتان تىس بانكروتتىق ءراسىمىن قولدانۋ» قىزمەتىن تاڭداپ, «ونلاين سۇراۋ» باتىرماسىن باسىڭىز.
- ۇسىنىلعان قىزمەتتەر ىشىنەن «سوتتان تىس بانكروتتىق پروتسەدۋراسىن قولدانۋ قىزمەتىنە ءوتىنىش بەرۋ» قىزمەتىن تاڭدايسىز.
- ءارى قاراي ەكراندا پايدا بولاتىن حابارلامامەن تانىسىپ, كەلىسىم بەرەسىز.
ودان ءارى كەلەسى مالىمەتتەردى كورسەتىڭىز:
- مەكەنجاي دەرەكتەرى;
- نەكەدە بولعان جاعدايدا ەرلى-زايىپتىلاردىڭ جسن-ى;
- نەسيەسى بار قارجى ۇيىمدارى تۋرالى مالىمەتتەر;
سالىق ورگانىن تاڭداپ, قاجەتتى قۇجاتتاردى جۇكتەيسىز.
1) ەگەر ءسىز نەكەدە بولساڭىز;
2) ەگەر ءسىز اتاۋلى الەۋمەتتىك كومەك الۋشى بولساڭىز;
3) ەگەر مىندەتتەمەلەردى ورىنداۋ مەرزىمى 5 جىلدان اسسا, وندا اتالعان پۋنكتتەرگە بەلگى قويۋ قاجەت.
ءارى قاراي «كەلىسىم» قادامىنداعى ەلەمەنتتەردى تەكسەرىپ, بەلگى قويۋ كەرەك. وتىنىمگە قول قويۋدىڭ قولجەتىمدى ادىستەرىنىڭ بىرىمەن قول قوياسىز. كەلىسۋشى (جۇبايى نەمەسە جولداسى) راستاعاننان كەيىن ءوتىنىم مەملەكەتتىك ورگانعا جىبەرىلەدى.
ءدال وسىنداي قىزمەت eGov Mobile ءموبيلدى قوسىمشاسىنىڭ «ارنايى قىزمەتتەر» بولىمىندە دە قولجەتىمدى.
بۇعان دەيىن قارجى نارىعىن رەتتەۋ جانە دامىتۋ اگەنتتىگى بانكروتتىققا ءوتىنىم بەرمەي تۇرىپ نەسيە تاريحىن تەكسەرىپ الۋدىڭ جولىن جاريالاعان ەدى.
ء«وتىنىش بەرۋ ءۇشىن جوعارىدا كورسەتىلگەن نەگىزدەردىڭ بار-جوعىن تەكسەرۋ ماقساتىندا قازاقستان رەسپۋبليكاسى ازاماتتارىنا id.mkb.kz سايتىنان مەرزىمى وتكەن كۇندەردىڭ ەڭ از سانىن كورسەتە وتىرىپ, اعىمداعى مىندەتتەمەلەردىڭ سوماسىن قامتيتىن دەربەس ەسەپ (قازاقستان رەسپۋبليكاسى ازاماتتارىنىڭ بانكروتتىعى) الۋ ۇسىنىلادى. بۇل ەسەپ تەگىن, ەلەكتروندىق قۇرىلعىلاردان, سونىڭ ىشىندە ءموبيلدى قۇرىلعىلاردان قولجەتىمدى», دەلىنەدى اگەنتتىك حابارلاماسىندا.
بانكروت دەپ تانۋدىڭ سالدارى بار ەكەنىن اتاپ ءوتۋ قاجەت: ازاماتقا 5 جىل ىشىندە قارىز جانە نەسيە الۋعا تىيىم سالىنادى (لومباردتاردان ميكرونەسيە الۋدى قوسپاعاندا). ەكىنشى رەت بانكروتتىق جاريالاۋعا 7 جىلدان كەيىن عانا رۇقسات ەتىلەدى. بانكروت بولعاننان كەيىن 3 جىل بويى بانكروتتىڭ قارجى جاعدايىنا مونيتورينگ جۇرگىزىلەدى.
