ساياسي ناۋقاننىڭ بارىسىن ەۋرازيالىق ينتەگراتسيا ينستيتۋتى «اشىق ساياسات» ساراپتامالىق كلۋبىنىڭ ساراپشىلارىمەن بىرگە قازاقستان ستراتەگيالىق زەرتتەۋلەر ينستيتۋتى, قازاقستاندىق قوعامدىق دامۋ ينستيتۋتى, ەلدەگى باسقا دا جەتەكشى عىلىمي جانە تالداۋ ورتالىقتارىنىڭ وكىلدەرى تالقىلاپ, پىكىرلەرىن ورتاعا سالدى.
قازىر ەلدەگى ساياسي پارتيالار پارلامەنتتىك سايلاۋدىڭ شەشۋشى كەزەڭىنە ءوتتى. سونداي-اق ساراپشىلار پارتيالاردىڭ ەلەكتورالدىق كەزەڭدەگى قىزمەتى قازىرگى زامانعى ساياساتتانۋ جانە الەۋمەتتانۋ زەرتتەۋلەرى ءۇشىن اسا وزەكتى جانە پەرسپەكتيۆالى نىسان ەكەنىن ايتادى. وسى سەبەپتى پارتيا كانديداتتارى ساراپتامالىق ديالوگ الاڭدارىندا قازاقستاننىڭ قوعامدىق-ساياسي دامۋىنىڭ وزەكتى ماسەلەلەرىن قوزعاۋى ماڭىزدى. وتاندىق ساراپشىلار سونىمەن قاتار حالىقارالىق جانە قازاقستاندىق تاجىريبەنى قاراستىرا وتىرىپ, 2022 جىلى مەملەكەت باسشىسى بەلگىلەگەن ساياسي رەفورمالار ساياسي پارتيالارىنىڭ دامۋى ءۇشىن بۇرىن-سوڭدى بولماعان جاعداي تۋدىرعانىن اتاپ ءوتتى. ماسەلەن, پرەزيدەنت ق.توقاەۆتىڭ باستاماسىمەن ەلدە ارالاس سايلاۋ جۇيەسى ەنگىزىلدى, ساياسي پارتيالاردى تىركەۋ راسىمدەرى جەڭىلدەتىلدى, سايلاۋ كەدەرگىسى تومەندەتىلدى. بۇل پارتيالارعا بەرىلگەن ۇلكەن مۇمكىندىك. وسىلايشا, ساياسي پارتيالار سايلاۋ ناۋقانى بارىسىندا دايىن ساياسي رەفورمالاردى جۇزەگە اسىرىپ جاتىر دەۋگە بولادى.
بۇعان قوسا ساراپشىلار پارتيالار بەرىلگەن مۇمكىندىكتەردى پارلامەنتكە ءوتۋ جانە دەپۋتاتتىق مانداتتاردىڭ بارىنشا كوپ سانىن الۋ ءۇشىن عانا ەمەس, سونداي-اق باعدارلامالىق ۇستانىمداردى, ازاماتتارمەن جۇمىس ىستەۋ جونىندەگى ادىسنامالىق تاسىلدەردى ترانسفورماتسيالاۋ ءۇشىن دە پايدالانۋعا ءتيىس ەكەنىن باسا ايتتى. بۇل – تۇرعىنداردىڭ ءومىر ءسۇرۋ ساپاسىن جاقسارتۋدىڭ ناقتى ساياسي قۇرالى.
جالپى, ساراپشىلار بۇل سايلاۋ ناتيجەسى ادىلەتتى قازاقستاننىڭ پارتيالىق جۇيەسىنىڭ ودان ءارى دامۋىنا ايتارلىقتاي اسەر ەتەتىندىگىن ايتادى. بۇل جاڭا, نەعۇرلىم ءتيىمدى پارتيالىق كونفيگۋراتسيانى قالىپتاستىرۋعا جانە قوعامدىق-ساياسي ينستيتۋتتاردىڭ نەگىزگى مەملەكەتتىك شەشىمدەر قابىلداۋعا اسەرىن كەڭەيتۋگە كۇشتى سەرپىن بولماق.
