بۇعان دەيىن ءبىز الەكساندر بۋبليكتىڭ تۇساۋكەسەر كەزدەسۋىندە تايپەيلىك ۆۋ تۋن ليننەن ويدا-جوقتا ۇتىلىپ قالعانىن جازعان ەدىك. كەلەسى كۇنى يۋليا پۋتينتسەۆا دا كورەرمەندەر قاتارىنا قوسىلدى. ول الەمدىك رەيتينگتە وزىنەن 32 ساتى تومەن تۇرعان چەحيالىق كارولينا مۋحوۆاعا جول بەردى – 3:6, 6:4, 4:6. قازاقستاننىڭ ەڭ ۇزدىك تەننيسشىسى ەلەنا رىباكينا العاشقى اينالىمدا بوس بولدى. كەلەسى كەزەڭدە ونىڭ جولى سوفيا كەنينمەن قيىستى. 24 جاستاعى اقش-تىڭ وكىلى قازىرگى كەزدە WTA تىزىمىندە 162-ورىندا تۇرعانىمەن, وسىدان ءۇش جىل بۇرىن ءتورتىنشى ساتىعا تۇراقتاعان ەدى. سول كەزدەرى ول اۋستراليانىڭ اشىق بىرىنشىلىگىندە باس جۇلدەنى ولجالاپ, رولان گارروستىڭ فينالىندا وينادى. قوس مىقتىنىڭ ءوزارا تارتىسى وتە شيەلەنىستى ءوتىپ, ەكى سەت تە تاي-برەيككە دەيىن جەتتى. ناتيجەسىندە, 7:6, 7:6 ەسەبىمەن رىباكينا جەڭىسكە جەتتى.
ءۇشىنشى كەزەڭدە ەلەنا يسپانيالىق پاۋلا بودوسامەن كەزدەسەدى.
