– مەكتەپ وقۋشىلارىنىڭ جەڭىسىنە ءاردايىم قۋانامىز. بۇگىن ولار تاعى دا جۇلدەلى ورىندارعا يە بولدى. ولاردى جەڭىسىمەن قۇتتىقتايمىز! ءبىلىم الۋعا دەگەن ىنتا ەشقاشان سونبەسىن. حالىقارالىق بايقاۋ جىل سايىن عىلىمي-زەرتتەۋگە قىزىعۋشىلىق تانىتقان دارىندى وقۋشىلاردى انىقتاۋ ءۇشىن وتكىزىلەدى. وسىلايشا, ناقتى عىلىمدى زەرتتەۋگە ىنتالاندىرامىز, – دەپ اتاپ ءوتتى الماتى قالالىق ءبىلىم باسقارماسىنىڭ باسشىسى ءلاززات جىلقىباەۆا.
بايقاۋعا قاتىسۋشىلار ماتەماتيكا, قولدانبالى ماتەماتيكا, مەحانيكا جانە ەكونوميكاداعى ماتەماتيكالىق ادىستەر بويىنشا عىلىمي جوبالارىن قورعادى.
قاتىسۋشىلار اراسىنان №159 گيمنازيانىڭ وقۋشىلارى اباي باعجان مەن جوكەن ديار, سونىمەن قاتار №178 مامانداندىرىلعان ليتسەيدىڭ وقۋشىلارى مۇقاش ەرمۇحان مەن اۋباكىر ىڭكار جەڭىمپاز اتاندى. №178 مامانداندىرىلعان ليتسەي وقۋشىلارى جالعاسبەك ادال جانە اياجان ماراتوۆا كۇمىس جۇلدەگە يە بولدى. №159 گيمنازيانىڭ وقۋشىلارى ەراسىل ەسەنگەلدين, نۇرالى ورالبەكوۆ, جانبوتا داۋلەنحان جانە №39 مامانداندىرىلعان ليتسەيدىڭ وقۋشىسى ولجاس مايسى ۇلى ءۇشىنشى ورىندى ەنشىلەسە, بايقاۋعا قاتىسقانى ءۇشىن №83 گيمنازيانىڭ وقۋشىسى اياۋلىم شاياحمەت ارنايى گراموتاعا يە بولدى.
الماتى
