استانا ۇلتتىق تەننيس ورتالىعىنىڭ تاربيەلەنۋشىسى الدىمەن جەكە رازريادقا, سودان كەيىن جۇپتىق رازريادقا قاتىستى. تەننيسشى ءبىرىنشى ويىندا ءۇندىستاننان كەلگەن قارسىلاسىن 6:2 ەسەبىمەن ۇتتى. قارسىلاسى ەكىنشى پارتيادان باس تارتتى.
ەكىنشى اينالىمدا اريانا البينا كاكەنوۆامەن جۇپتاسىپ وينادى. قارسىلاستارى ساتيما تورەگەن مەن اناستاسيا كرىمكوۆا بولدى. اريانا مەن البينا باسىم ءتۇسىپ, 6:1, 6:2 ەسەبىمەن جەڭىسكە جەتتى. اريانا ويىندا ءوزىن جاقسى كورسەتىپ, كوزگە ءتۇستى.
سپورتشىنىڭ جاتتىقتىرۋشىسى مۋكام ەرماتوۆ ونىڭ تولىق فورمادا ەمەس ەكەنىن اتاپ ءوتتى.
«قازىردىڭ وزىندە اريانا - ەرەسەكتەر اراسىنداعى تەننيستەن قازاقستان چەمپيونى. ونىڭ حالىقارالىق مانسابى ءالى الدا», دەدى ول.
