جەرگىلىكتى جەردە توتەنشە جاعدايلار دەپارتامەنتىنىڭ, ءورت ءسوندىرۋ ءبولىمىنىڭ جانە اكىمدىكتىڭ قىزمەتكەرلەرى جاعدايدى باقىلاۋدا ۇستاپ وتىر.
جانگەلدى اۋدانىنىڭ اكىمى شوتا وسپانوۆ اۋىلداعى جاعداي تۋرالى ينستاگرام پاراقشاسىندا جازدى.
«جانگەلدين اۋدانىنىڭ شەگەن اۋىلىندا قاردىڭ كۇرت ەرۋىنە بايلانىستى اۋىل ورتاسىنا سۋدىڭ مول جينالعانى انىقتالىپ, 2023 جىلدىڭ 11 ناۋرىز كۇنى اۋدان اكىمىنىڭ ورىنباسارى ا.تالپاقوۆ باستاعان قوستاناي وبلىسىنىڭ توتەنشە جاعدايلار دەپارتامەنتىنەن اۋدانعا كومەككە كەلگەن جۇمىس توبى, جانگەلدين اۋدانىنىڭ ءورت ءسوندىرۋ ءبولىمى, توتەنشە جاعدايلار ءبولىمى جانە جەرگىلىكتى اتقارۋ ورگان قىزمەتكەرلەرى جەدەل تۇردە جەتىپ, جينالعان سۋدى باسقا باعىتقا اعىزۋ جۇمىستارى جۇرگىزىلۋدە. بارلىعى 50 ادام, 2 ۆاحتالىق كاماز, 5 تەحنيكا, 6 موتوپومپا جۇمىلدىرىلدى. زارداپ شەككەن ۇيلەر جوق. تۇرعىنداردىڭ ومىرىنە, تۇرمىستىق جاعدايىنا قاۋىپ تونبەدى», دەپ جازدى ول.
