ء«بىزدىڭ پارتيامىزدىڭ يدەياسى – سوتسياليزم. «قايداعى سوتسياليزم؟» دەپ سۇراۋلارىڭىز مۇمكىن. مىسالى, سكانديناۆيالىق سوتسياليزم بار. نورۆەگيا وسىدان جارتى عاسىر بۇرىن عانا سولتۇستىك تەڭىزدەن مۇناي مەن گازدىڭ وراسان زور قورىن تاپقان. ال قازىر ءاربىر نورۆەگيالىقتىڭ ارنايى شوتىندا ورتا ەسەپپەن 238 مىڭ ەۋرو جاتىر. جاڭادان ۆەلوسيپەد ويلاپ تابۋدىڭ قاجەتى جوق. بىزدە يدەيا بار, سول يدەياعا قادام باسىپ كەلەمىز. بۇل تۇرعىدان العاندا, ەگەر 19 ناۋرىزدا ميلليونداعان ادام حالىق پارتياسىنىڭ باعدارلاماسىن قولداسا, بۇل يدەيا ماتەريالدىق كۇشكە اينالادى. ءبىز بۇل ىسكە ىزگى نيەتپەن قارايمىز», دەدى ەرمۇحامەد ەرتىسباەۆ كتك تەلەارناسىندا وتكەن جاتقان تەلەۆيزيالىق پىكىرسايىستا.
سونداي-اق ول پىكىرسايىسقا قاتىسۋشىلاردى ەلدىڭ ورتا جانە ۇزاقمەرزىمدى دامۋ كەلەشەگى تۋرالى پايىمىن پاش ەتۋگە ۇندەدى.
«تۇسىنەسىزدەر مە, ءبىز قازىر تسيفرلار مەن فاكتىلەرگە, الۋان ءتۇرلى ۋادەلەرگە ەرىپ كەتۋىمىز مۇمكىن. ال پىكىرسايىس دەگەن - پىكىر الماسىپ, يدەيا بولىسەتىن الاڭ», دەدى ە. ەرتىسباەۆ.
ونىڭ ايتۋىنشا, حالىق ناقتى وزگەرىستەردى قالايدى.
«19 ناۋرىزدا كىمگە داۋىس بەرسەڭىزدەر دە, ءوزىڭىز بىلەسىز. تەك ازاماتتىق, كونستيتۋتسيالىق پارىزىڭىزدى ورىنداساڭىز بولدى, ەڭ باستىسى – سايلاۋعا كەلىڭىزدەر!», دەدى پارتيا توراعاسى.
