كەزدەسۋ بارىسىندا ديپلومات پرەفەكتكە قازاقستان پرەزيدەنتى قاسىم-جومارت توقاەۆتىڭ جۇرگىزىپ جاتقان مەملەكەتتىك ساياساتى مەن ەلىمىزدەگى نەگىزگى ىشكى ساياسي وقيعالار, ونىڭ ىشىندە الداعى 19 ناۋرىز كۇنى وتەتىن پارلامەنت ءماجىلىسى مەن ماسليحاتتارعا سايلاۋ تۋرالى حابارلادى.
سونىمەن قاتار ءا.احمەتوۆ مەملەكەت باسشىسىنىڭ وتكەن جىلعى قاراشاداعى فرانتسياعا العاشقى رەسمي ساپارىنىڭ نەگىزگى قورىتىندىلارى جانە قازاقستان-فرانتسۋز ستراتەگيالىق ارىپتەستىگىن ودان ءارى ماعىنالى تۇردە تولتىرۋ جونىندەگى كۇش-جىگەرى تۋرالى ءسوز قوزعادى. ونەركاسىپ, ماشينا جاساۋ, اۋىل شارۋاشىلىعى, جوعارى ءبىلىم جانە مەديتسينا سالاسىنداعى ۇلكەن شىعىس ءوڭىرىنىڭ كومپانيالارىمەن جانە ۇيىمدارىمەن بىرلەسكەن ينۆەستيتسيالىق-تەحنولوگيالىق جوبالار جان-جاقتى قاراستىرىلدى.
پرەفەكت ج.شەۆالە فرانتسيانىڭ ۇلكەن شىعىس ءوڭىرى مەن قازاقستان اراسىنداعى ىنتىماقتاستىقتى ودان ءارى ارتتىرۋعا ۇلكەن قىزىعۋشىلىق تانىتتى, سونداي-اق ءبىزدىڭ ەل باسشىلىعىنا قويىلعان مىندەتتەردى ىسكە اسىرۋدا تابىس تىلەدى. ول بىرلەسكەن جوبالارعا كومەك كورسەتۋگە دايىن ەكەندىگىن راستادى جانە بىرقاتار پەرسپەكتيۆالى ءوزارا ءتيىمدى باعىتتاردى ۇسىندى.
جالپى تاراپتار بىرلەسكەن كۇش-جىگەردى ۇيلەستىرۋگە جانە ءساۋىر ايىندا فرانتسيانىڭ سىرتقى ساۋدا ءمينيسترىنىڭ ورىنباسارى وليۆە بەشتتىڭ قر-عا الداعى ساپارىنىڭ الەۋەتىن ىسكە اسىرۋعا كەلىستى, ونىڭ دەلەگاتسياسىنا ءوڭىردىڭ كومپانيالارى مەن ۇيىمدارىنىڭ وكىلدەرىنىڭ كىرۋى كۇتىلەدى.
كەزدەسۋ سوڭىندا ۇلكەن شىعىس فرانتسۋز ءوڭىرىنىڭ پرەفەكتىسى ج. شەۆالە قازاقستان حالقى مەن باسشىلىعىنا بەيبىتشىلىك پەن وركەندەۋدى تىلەدى.
تاريحي دامىعان ەلزاس, لوتارينگيا, شامپان جانە ۆوگەز پروۆينتسيالارى كىرەتىن فرانتسيانىڭ ۇلكەن شىعىس وڭىرى جوعارى ەكونوميكالىق الەۋەتكە يە. كولىك جاساۋ, جوعارى تەحنولوگيالىق ماشينا جاساۋ, مەتاللۋرگيا, اۋىل شارۋاشىلىعى جانە دامىعان «جاسىل ەكونوميكا» جىل سايىن ءجىو-گە 160 ملرد. ەۋروعا دەيىن قامتيدى جانە ۇلكەن شىعىستى فرانتسيادا جەتەكشى ورىنعا شىعارادى. 5,5 ميلليون حالقى بار وڭىر ەۋروپالىق نارىقتا جەتەكشى پوزيتسيالار مەن باسەكەلەستىك ارتىقشىلىقتاردى ساقتايدى.
