اسلان باقىتجانوۆ پەن رۋسلان نەسىپقاليەۆكە قر قىلمىستىق كودەكسىنىڭ 462-بابىنىڭ 3-تارماعى بويىنشا «ابايسىزدا ەكى نەمەسە ودان دا كوپ ادامنىڭ ولىمىنە اكەپ سوقتىرىپ, اينالاسىنداعىلارعا اسا قاۋىپتى وق-دارىلەرمەن جانە جارىلعىش زاتتارمەن جۇمىس ىستەۋ قاعيدالارىن بۇزدى» دەگەن ايىپ تاعىلدى. سونداي-اق ەران بوشاي مەن بەرىك وماربەكوۆ قر قىلمىستىق كودەكسىنىڭ 453-بابىنىڭ 1, 2-تارماعى بويىنشا «باستىقتىڭ نەمەسە لاۋازىمدى ادامنىڭ قىزمەتكە ەلەۋلى زيان كەلتiرگەن سالعىرت قاراۋى, اۋىر زارداپتارعا اكەپ سوققان ءدال سول ءىس-ارەكەت» بويىنشا ايىپ تاعىلدى.
ەرپۋلات تۇرانوۆ پەن اسەت اشىربايعا «ەلەۋلى زالال كەلتىرگەن بوتەننىڭ مۇلكىن قاساقانا جويۋ نەمەسە ءبۇلدىرۋ» قر قىلمىستىق كودەكسىنىڭ 202-بابى 3-بولىگىنىڭ 1, 2-تارماقتارى بويىنشا ايىپ تاعىلدى. ولار سونداي-اق «اۋىر زارداپتارعا اكەپ سوققان قارۋدى, وق-دارىلەردى, كولىك قۇرالدارىن, اسكەري تەحنيكانى نەمەسە باسقا دا اسكەري م ۇلىكتى قاساقانا جويۋ نەمەسە ءبۇلدىرۋ» قر قىلمىستىق كودەكسىنىڭ 459-بابىنىڭ 2-بولىگى بويىنشا سوتتالادى.
ءىستىڭ بارلىق ماتەريالى سوتقا بەرىلدى.
ەستەرىڭىزگە سالا كەتەيىك, 2021 جىلدىڭ 26 تامىزىندا جامبىل وبلىسى بايزاق اۋدانىندا ورنالاسقان اسكەري بولىمدەگى قويمالاردىڭ ءبىرىنىڭ جانىندا ءورت شىققان بولاتىن. ءورت سالدارىنان انىقتالماعان زاتتار جارىلدى. جارىلىستان كەيىن 93 ادام اۋرۋحاناعا جاتقىزىلدى. جۇزگە جۋىق ادام جاراقات الدى. 18 ادام قازا تاپتى. وبلىس اكىمدىگىنىڭ مالىمەتىنشە, 106 تۇرعىن ءۇي, 12 كوممەرتسيالىق نىسان جانە ءۇش مەكتەپ زاقىمدانعان.
