ۇكىمەت • 09 ناۋرىز, 2023

قازاقستاندا پياز باعاسىنىڭ ءوسۋ ديناميكاسى تۇراقتاندى

139 رەت كورسەتىلدى

پرەمەر-ءمينيستردىڭ ورىنباسارى – ساۋدا جانە ينتەگراتسيا ءمينيسترى سەرىك جۇمانعارين قازاقستاننىڭ ساۋدا جەلىلەرى باسشىلارىمەن باعا جاعدايى مەن تۇراقتاندىرۋ قورلارىنان  كوكونىستەردى جەتكىزۋ بارىسى بويىنشا جەدەل كەڭەس وتكىزدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.

قازاقستاندا پياز باعاسىنىڭ ءوسۋ ديناميكاسى تۇراقتاندى

وتكەن سەنبىدە سەرىك جۇمانعارين بارلىق اكىمدىكتەرگە تۇراقتاندىرۋ قورلارىنان ساۋدا جەلىلەرىنە شىعارىلاتىن كوكونىستەردىڭ كولەمىن بارىنشا ۇلعايتۋدى تاپسىرعان ەدى.

ساۋدا كوميتەتىنىڭ مالىمەتىنشە, 2023 جىلعى 7 ناۋرىزداعى جاعداي بويىنشا كوكونىستەردى ساتۋدىڭ جالپى كولەمى 19688,22 توننانى قۇرادى, ونىڭ ىشىندە كارتوپ – 7559 توننا, ءسابىز – 3935,2 توننا, پياز – 5234,72 توننا, قىرىققابات – 2959,3 توننا.

جالپى ساۋدا نۇكتەلەرىنىڭ سانى 727-دەن 892-گە دەيىن ءوستى. شىمكەنت (5-تەن 25-كە دەيىن), جامبىل (58-دەن 63-كە دەيىن), جەتىسۋ (53-تەن 55-كە دەيىن), بقو (27-دەن 56-عا دەيىن), قوستاناي (21-دەن 52-گە دەيىن), قىزىلوردا (51-دەن 54-كە دەيىن), ماڭعىستاۋ (26-دان 29-كە دەيىن), پاۆلودار (23-تەن 59-عا دەيىن), تۇركىستان (4-تەن 23-كە دەيىن), ۇلىتاۋ (19-دان 34-كە دەيىن) وڭىرلەرىندە قوسىمشا ساۋدا ورىندارى اشىلدى.

ستاتيستيكاعا سايكەس, پياز باعاسىنىڭ ءوسۋ ديناميكاسى ايتارلىقتاي تۇراقتاندى. باعانىڭ ءوسىمى بويىنشا انتيليدەرلەر قاتارىندا بولعان استانا قالاسى مەن ۇلىتاۋ وبلىسىندا باعا ءبىرشاما تومەندەسە,10 وڭىردە باعا تۇراقتاندى.  ءوسىم الماتى, اقمولا, الماتى, جەتىسۋ, جامبىل, قاراعاندى, پاۆلودار, تۇركىستان وڭىرلەرىندە جالعاسۋدا, بۇل باعانىڭ ءوسۋىن تەجەۋ بويىنشا ءتيىمسىز جۇمىس دەڭگەيىن كورسەتەدى. كارتوپ باعاسى تەك تۇركىستان وبلىسىندا, ءسابىز باعاسى– استانا قالاسى مەن اتىراۋ, الماتى, ۇلىتاۋ وبلىستارىندا, قىرىققابات باعاسى– استانا قالاسى مەن اقتوبە وبلىسىندا تومەندەدى.

كەڭەستە سەرىك جۇمانعارين ساۋدا جەلىلەرىنىڭ وكىلدەرىنەن تۇراقتاندىرۋ قورلارىنان كوكونىستەردى جەتكىزۋدە قانداي دا ءبىر ماسەلەلەر بار ما دەپ سۇرادى. اقتوبە وبلىسىنىڭ ساۋدا جەلىلەرى وكىلدەرى جەتكىزىلەتىن پياز كولەمىنىڭ ازدىعىن ايتتى, 6 تونناعا سۇرانىس كەزىندە اپتاسىنا 2 توننا كەلەدى. وسىعان ۇقساس ماسەلەلەردى باسقا وڭىرلەردىڭ وكىلدەرى دە كوتەردى.

ء«بىز وڭىرلەردىڭ اكىمدىكتەرىمەن وسى ماسەلەلەردى پىسىقتاپ, قور تاپشىلىعى كەزىندە وڭتۇستىك وڭىرلەردەن كەلەتىن جەتكىزىلىمدەردى قايتا باعدارلايمىز. ءبىر اپتا بۇرىن تاجىكستاننان دەلەگاتسيا ەلگە ورالىپ, قولجەتىمدى باعامەن 6,5 مىڭ توننا پيازعا كەلىسىمشارت جاسالدى, بىراق بۇل ماۋسىمارالىق كەزەڭگە جەتكىلىكسىز. تاجىكستاندىق وندىرۋشىلەر ۇلكەن كولەمدەگى كەلىسىمشارتتارعا دايىن. ونىڭ ۇستىنە تاجىكستان تەمىرجولى ءوز ۋچاسكەلەرى بويىنشا تاسىمالداۋ تاريفىنە 80% جەڭىلدىك بەرەدى. قىرعىزستان قىرىققاباتتى ارزان باعامەن جەتكىزۋگە دايىن. سونداي-اق وزبەكستاننان ەرتە شىعاتىن كوكونىستەردى جەتكىزۋدىڭ «جاسىل ءدالىزى»تۋرالى كەلىسىم بار», دەدى سەرىك جۇمانعارين.