ءىس-شارا حالىقارالىق ايەلدەر كۇنىنە وراي ۇيىمداستىرىلدى. وعان ايەلدەر حوككەي اكادەمياسىنىڭ 6 كومانداسى قاتىستى.
استانا قالاسى دەنە شىنىقتىرۋ جانە سپورت باسقارماسى باسشىسىنىڭ ورىنباسارى ەركەعالي كوربوزوۆ اتاپ وتكەندەي, ءتۋرنيردىڭ ماقساتى – جازاتايىم وقيعا كەزىندە زارداپ شەككەن ەلوردالىق سپورت مەكتەبىنىڭ تاربيەلەنۋشىسىنە قولداۋ كورسەتۋ.
«تۋرنير ۇنەمى وتكىزىلىپ تۇرادى. سول سەبەپتى بيىل دەمەۋشىلەردى ىزدەۋگە ۇلكەن مۇمكىندىك تۋدى. تۇسكەن قاراجاتتىڭ ءبارى دياس ماراتتىڭ كومەگىنە جۇمسالادى. جاس حوككەيشى بىرنەشە جىل بۇرىن جاراقات العان, ءالى كۇنگە دەيىن اۋىر جاعدايدا جاتىر», دەدى ەركەعالي كوربوزوۆ.
الايدا ءىس-شارانىڭ نەگىزگى كۇن ءتارتىبى حالىقارالىق ايەلدەر كۇنى بولدى, سوندىقتان ءتۋرنيردىڭ بارلىق قاتىسۋشىسىنا سىيلىق رەتىندە جابدىقتار مەن وزگە دە سپورتتىق اكسەسسۋارلار تاپسىرىلدى.
ايتا كەتۋ كەرەك, بۇلبۇل كارتانباي – ەلىمىزدەگى العاشقى ايەلدەر حوككەي اكادەمياسىنىڭ نەگىزىن قالاعان. ول سونداي-اق ۇلتتىق ايەلدەر حوككەي ليگاسىنىڭ العاشقى قازاقستاندىق ويىنشىسى بولىپ سانالادى.
