جاڭا جابدىق قولدانىستا تۇرعان جابدىققا قوسىمشا بولىپ سانالادى جانە وڭىرلىك بيلىك پەن فەرمەرلىك شارۋاشىلىقتاردى حاباردار ەتۋ ءۇشىن قۇرعاقشىلىقتىڭ باستالۋى تۋرالى بولجامداردى جەدەل قالىپتاستىرۋعا مۇمكىندىك بەرەدى.
جابدىقتى رەسمي تاپسىرۋعا ەكولوگيا جانە تابيعي رەسۋرستار ۆيتسە-ءمينيسترى دوسبول بەكماعامبەتوۆ, ديپميسسيا باسشىسىنىڭ ورىنباسارى, قازاقستانداعى جاپونيا ەلشىلىگىنىڭ كەڭەسشىسى كاناتا توموحيرو مىرزا, بۇۇدب-نىڭ قازاقستانداعى تۇراقتى وكىلىنىڭ ورىنباسارى سۋحروب حودجيماتوۆ, «قازگيدرومەت» رمك باس ديرەكتورى دانارا اليمباەۆا, باق وكىلدەرى, مەملەكەتتىك قىزمەتكەرلەر, حالىقارالىق جانە ۇلتتىق ساراپشىلار قاتىستى.
«قازاقستاندا ميتيگاتسيامەن قاتار كليماتتىڭ وزگەرۋى سياقتى ينفراقۇرىلىم مەن ەكونوميكانى ەكسترەمالدى اۋا رايى قۇبىلىستارىنا دايىنداۋ ءۇشىن كليماتتىڭ وزگەرۋىنە بەيىمدەلۋ جونىندەگى جوبالارمەن جۇمىس ىستەۋ ماڭىزدى بولىپ كورىنەدى. قازاقستانداعى بۇۇدب دامۋ جونىندەگى ارىپتەستەرىمەن بىرگە ەل ۇكىمەتىنە تۇراقتى اۋىل شارۋاشىلىعى, جاڭارتىلاتىن ەنەرگيا كوزدەرىن ەنگىزۋ جانە ەنەرگيا ۇنەمدەۋ, تابيعي كاپيتالدى ساقتاۋ جانە قازاقستاننىڭ كليمات سالاسىنداعى حالىقارالىق مىندەتتەمەلەردى ورىنداۋى ءۇشىن شارالاردى ىسكە اسىرۋدا جۇيەلى قولداۋ كورسەتۋدى جالعاستىرادى», دەپ اتاپ ءوتتى بۇۇدب-نىڭ قازاقستانداعى تۇراقتى وكىلىنىڭ ورىنباسارى سۋحروب حودجيماتوۆ.
«قازگيدرومەت» رمك باس ديرەكتورى دانارا اليمباەۆانىڭ ايتۋىنشا, اۋىل شارۋاشىلىعى ەكونوميكانىڭ كليماتقا تاۋەلدى سالاسى بولىپ سانالادى, سوندىقتان كليماتتىڭ وزگەرۋى مەن ەكونوميكالىق تۇراقسىزدىق جاعدايىندا ءوڭىردىڭ اۋىل شارۋاشىلىعى كاسىپورىندارىنا اگرومەتەورولوگيالىق قىزمەت كورسەتۋ ەرەكشە نازار اۋدارۋعا لايىق.
«سوڭعى جىلدارى فەرمەرلەر مەن ۋاكىلەتتى مەملەكەتتىك ورگاندارعا ۇسىنىلاتىن ونىمدەردىڭ تىزبەسىن كەڭەيتۋ ماقساتىندا «قازگيدرومەت» رمك-دا اگرومەتەورولوگيالىق بولجامداۋدىڭ جاڭا مودەلدەرى ەنگىزىلۋدە جانە بولجامداۋدىڭ, ونىڭ ىشىندە ءارتاراپتاندىرۋ داقىلدارى مەن قۇرعاقشىلىقتى بولجاۋ ءۇشىن پايدالانىلاتىن ادىستەر جەتىلدىرىلۋدە, سونىمەن قاتار ءبىز باس كەڭسەدەگى جابدىقتارمەن قوسا, موبيلدىك قولدانبالاردى ەنگىزەمىز, الىنعان دەرەكتەردى ناقتىلاۋ ءۇشىن مارشرۋتتار بويىنشا جوسپارلى ساپارلاردى جۇزەگە اسىرامىز», دەدى دانارا اليمباەۆا.
