«قازاقستاننىڭ 3 ازاماتىنىڭ «ABS Change» كريپتو ايىرباستاۋ پۋنكتى ارقىلى تسيفرلىق اكتيۆتەردى ايىرباستاۋ سالاسىنداعى زاڭسىز كاسىپكەرلىك قىزمەتى انىقتالدى. اتالعان ازاماتتار زاڭسىز ارەكەتتەرىن احقو الاڭىنان تىس جەردە ىسكە اسىرعان. ولار 2021-2023 جىلدار ارالىعىندا استانا قالاسىنىڭ اۋماعىندا قىلمىستىق قىزمەتىن جۇزەگە اسىردى. وتكىزىلگەن ءىس-شارالاردىڭ ناتيجەسىندە ايىرباستاۋ پۋنكتىن ۇيىمداستىرۋشىلاردىڭ زاتتارى, 342 000 اقش دوللارى جانە 7 ملن تەڭگەسى تاركىلەندى», دەلىنگەن ۆەدومستۆو حابارلاماسىندا.
«Binance» پلاتفورماسىندا 2 كريپتوامياننان 23 مىڭعا جۋىق اقش دوللارى سوماسىنا كريپتواكتيۆتەر انىقتالىپ, ولارعا ۋاقىتشا شەكتەۋ قويىلدى. الدىن الا ەسەپ بويىنشا «Binance» پلاتفورماسىنداعى كريپتو ايىرباستاۋ پۋنكتىنىڭ كريپتوامياندارىنىڭ جالپى اينالىمى شامامەن 34 ملن اقش دوللارىن قۇرادى.
تەرگەۋ جالعاسىپ جاتىر. قپك-ءنىڭ 201-بابىنا سايكەس وزگە اقپارات جاريا ەتۋگە جاتپايدى.
