«MEGA Silk Way» سوو باس زالىندا قر ۇلتتىق ۇلانىنىڭ ءان جانە بي ءانسامبلىنىڭ ەرلەر حورى ءوز ونەرىن كورسەتتى. ورىندالعان كومپوزيتسيالاردىڭ رەپەرتۋارى ءار ءتۇرلى بولدى. «ناز قوڭىر», «In the still of the night», «90-شى جىلدارداعى پوپۋرري», سونداي-اق باتىرحان شۇكەنوۆتىڭ جانە الەكساندرا پاحمۋتوۆانىڭ «مازاسىز جاستىق شاق تۋرالى ءانى» ورىندالدى. بارلىعى جاندى داۋىستا ايتىلدى. 4 تىلدە 16 ءان شىرقالدى.
ءارى قاراي ولار استانا قالاسى اكىمدىگىنىڭ «شاراپات» الەۋمەتتىك نىسانىنا باردى. نازىك جاندى حانىمدار ءۇشىن, ونىڭ ىشىندە وسى ورتالىقتىڭ ۇجىمى ءۇشىن مەرەكەلىك كونتسەرتتىك باعدارلاما ۇسىنىلدى, وعان قر ۇۇ ءان جانە بي ءانسامبلىنىڭ حوريستەرى دە كىرىستى. ولاردىڭ ءاربىر ورىنداعان ءانى رەزونانس تۋدىرىپ, كورەرمەندەردىڭ قوشەمەتىنە بولەندى.
«ۇلتتىق ۇلاننىڭ باس قولباسشىلىعىنىڭ باسشىلىعىنا جانە تىكەلەي ءان مەن بي ءانسامبلىنىڭ ۇجىمىنا ساحنادا ونەر كورسەتكەن جىلۋلىعى مەن شىنايىلىعى ءۇشىن العىسىمدى بىلدىرگىم كەلەدى. ءبىزدىڭ ەڭبەك ۇجىمىمىز جانە «شاراپات» ورتالىعىنىڭ قامقورلىعىنداعىلار, اعا بۋىن وسىنداي كوزقاراسىڭىز ءۇشىن سىزدەرگە ۇلكەن ريزاشىلىقتارىن بىلدىرەدى», دەدى ورتالىقتىڭ وكىلى ميرحان جەليلوۆنا.
