«قازگيدرومەت» رمك اقپاراتى بويىنشا, ەلدىڭ باسىم بولىگى كاسپي تەڭىزى اۋداندارىنداعى بەلسەندى تسيكلوننىڭ ىقپالىندا بولادى, وسىعان بايلانىستى جاۋىن-شاشىن كۇتىلەدى.
«سولتۇستىكتە, شىعىستا قاتتى جاۋىن-شاشىن (جاڭبىر, قار), وڭتۇستىكتە, رەسپۋبليكانىڭ وڭتۇستىك-شىعىسىندا كۇندىز قاتتى جاڭبىر جاۋادى. تەك باتىستا جاۋىن-شاشىنسىز اۋا-رايى كۇتىلەدى», دەلىنگەن حابارلامادا.
سينوپتيكتەر اتاپ وتكەندەي, ەل بويىنشا جەل سوعادى, رەسپۋبليكانىڭ سولتۇستىك جارتىسىندا, شىعىسىندا, ورتالىعىندا بوران كۇتىلەدى. ەلدىڭ وڭتۇستىگىندە نايزاعاي وينايدى. بىرقاتار وڭىردە تۇمان مەن كوكتايعاق بولادى دەپ بولجانىپ وتىر.
سولتۇستىك قازاقستان وبلىسىنىڭ وڭتۇستىگىندە تۇندە قالىڭ قار جاۋادى, شىعىس قازاقستان وبلىسىنىڭ سولتۇستىگىندە, شىعىسىندا, اباي وبلىسىنىڭ سولتۇستىگىندە, تۇندە پاۆلودار وبلىسىنىڭ باتىسىندا, سولتۇستىگىندە جاۋىن-شاشىن (جاڭبىر, قار) كۇتىلەدى. الماتى وبلىسىنىڭ تاۋلى اۋداندارىندا, سولتۇستىگىندە, وڭتۇستىگىندە, تۇركىستان وبلىسىنىڭ تاۋلى, تاۋ بوكتەرلى اۋداندارىندا, جامبىل وبلىسىنىڭ سولتۇستىگىندە, باتىسىندا, وڭتۇستىگىندە, تاۋلى اۋداندارىندا قاتتى جاڭبىر جاۋادى.
«پاۆلودار وبلىسىنىڭ باتىسىندا, وڭتۇستىگىندە, اباي وبلىسىنىڭ ورتالىعىندا, تۇندە اقمولا, قاراعاندى, شىعىس قازاقستان وبلىستارىنىڭ سولتۇستىگىندە, شىعىسىندا, تۇركىستان وبلىسىنىڭ تاۋ اسۋلارىندا 30 م/س قاتتى جەل كۇتىلەدى», دەلىنگەن «قازگيدرومەت» حابارلاماسىندا.
