جەتىسۋ وبلىسىنىڭ پوليتسەيلەرى تابيعات قورعاۋ زاڭناماسىن بۇزۋشىلىقتاردى انىقتاۋ بويىنشا ءىس-قيمىلداردى كۇشەيتتى. سوڭعى ون كۇن ىشىندە جەتىسۋ وڭىرىندە جەرگىلىكتى سۋ قويمالارىنان زاڭسىز بالىق اۋلاۋ جانە تىيىم سالىنعان داراتالشىق تورلارىن پايدالانۋعا بايلانىستى 82 بۇزۋشىلىق تىركەلدى. بۇل جۇمىستار «براكونەر» پروفيلاكتيكالىق ءىس-شاراسى اياسىندا جۇرگىزىلىپ جاتىر.
– وبلىستىڭ بارلىق اۋماعىن پوليتسەيلەر مەن وڭىرلىك بالقاش-الاكول باسسەيندىك ينسپەكتسياسى قىزمەتكەرلەرىنەن تۇراتىن ارنايى توپتار ارالاپ ءجۇر. 82 زاڭ بۇزۋشىلىق انىقتالىپ, 280 كەلىدەن استام ءارتۇرلى بالىق تۇرلەرى مەن ۇزىندىعى ءۇش مىڭ مەترگە جۋىق بالىق اۋلاۋعا تىيىم سالىنعان اۋلار تاركىلەندى. سوتتا بەس ماتەريال قارالىپ جاتىر. ءبىر قىلمىستىق ءىس قوزعالدى, – دەدى تابيعاتتى قورعاۋ پوليتسياسىنىڭ اعا ينسپەكتورى باعلان رىمجانوۆ.
Polisia.kz مالىمەتىنشە, براكونەرلىكتىڭ سوڭعى فاكتىسى سارقان اۋدانىندا تىركەلگەن. وندا بالقاش كولىندە تولەباەۆ اۋىلىنىڭ 48 جاستاعى تۇرعىنى ۇستالعان. 70 كەلىدەن استام بالىق اۋلاپ ۇلگەرگەن ەر ادام تىيىم سالىنعان داراتالشىق تورلارىن قولدانعان.
مەملەكەتكە كەلتىرىلگەن زالال شامامەن 400 مىڭ تەڭگەنى قۇرادى. ءىس بويىنشا تەرگەۋ امالدارى قر قك-ءنىڭ 335-بابىنا سايكەس جۇرگىزىلەدى.
