الماتى اكىمى ەربولات دوساەۆتىڭ حالىقپەن كەزەكتى كەزدەسۋى مەدەۋ اۋدانىندا ءوتتى. قالا باسشىسى اۋداننىڭ دامۋى جانە تۇرعىنداردان تۇسكەن ۇسىنىستار بويىنشا اتقارىلعان جۇمىستار تۋرالى ايتىپ بەردى. كەزدەسۋگە 350-دەن استام ادام كەلدى.
اۋداندا ينجەنەرلىك جانە كولىك ينفراقۇرىلىمىن مودەرنيزاتسيالاۋ ماسەلەسى وزەكتى بولىپ قالا بەرەدى. وتكەن جىلى 5,4 كم سۋمەن جابدىقتاۋ جانە كارىز جەلىلەرى سالىندى. 2023 جىلى تاعى 64,7 كم سالۋ جوسپارلانعان, ناتيجەسىندە التى شاعىن اۋداننىڭ 19 مىڭنان استام تۇرعىنى قاجەتتى كوممۋنيكاتسيالارعا قولجەتكىزە الادى. بۇدان باسقا, دۋمان ش / ا-دا 14 كم سۋ قۇبىرى جانە كارىز جەلىلەرىن سالۋعا جسق ازىرلەنىپ جاتىر. سونداي-اق وسى جىلدىڭ سوڭىنا دەيىن تاستى ءۇستىرت, كولساي, مۇزتاۋ جانە وڭتۇستىك شاعىن اۋداندارىن ساپالى اۋىز سۋمەن قامتاماسىز ەتۋ ءۇشىن 4 جاڭا سۋ كوزدەرىن سالۋ جانە «بالقاش» رەزەرۆۋارلارى مەن سورعى ستانتسياسىن تولىق رەكونسترۋكتسيالاۋ جوسپارلانىپ وتىر.
وتكەن جىلى 27 شاقىرىمنان استام جول جوندەلىپ, 18 شاقىرىمنان استام تروتۋار جاسالدى. 2023 جىلى 37 كوشەدە تاعى 32 شاقىرىم جولدى جوندەۋ, اعىمداعى جوندەۋمەن 50 مىڭ شارشى مەتردى قامتۋ جوسپارلانۋدا. جىلجىمالى قۇرامدى جاڭارتۋ ءۇشىن بيىل 8 باعىتتا 126 اۆتوبۋس قاراستىرىلعان.
الماتى اكىمى اۋداننىڭ قوعامدىق قاۋىپسىزدىگىن قامتاماسىز ەتۋ شارالارى تۋرالى ماسەلەلەرگە توقتالدى. تاجىريبە كورسەتكەندەي, اۋدانداعى قىلمىستاردىڭ 80% - ى بەينەباقىلاۋ كامەرالارى ارقىلى اشىلادى. بيىل الماتىدا 6000-نان استام كامەرا ورناتۋ جوسپارلانعان, ونىڭ 755-ءى مەدەۋ اۋدانىندا بولادى. قازىرگى ۋاقىتتا ولاردى ورناتۋ ءۇشىن كوشەلەر ءتىزىمى دايىندالىپ جاتىر.
وقۋشى ورىندارىنىڭ تاپشىلىعىن ازايتۋ ءۇشىن بيىل №48 مەكتەپتىڭ جانىنان 250 ورىندىق قوسالقى نىساندى قايتا جاڭارتۋ جانە №131 مەكتەپتى سەيسميكالىق كۇشەيتۋمەن كۇردەلى جوندەۋ اياقتالادى. «جايلى مەكتەپ» ۇلتتىق جوباسى اياسىندا «شىعىس قاقپاسى» جاڭا پوليتسيا ورتالىعىنىڭ اۋماعىندا 2000 ورىندىق جاڭا مەكتەپ سالىنادى.
اۋداندا مەكتەپكە دەيىنگى تاربيەنى ۇيىمداستىرۋعا, سونداي-اق بالالاردى ساۋىقتىرۋعا كوپ كوڭىل بولىنەدى. بيىل 2 بالاباقشانى كۇردەلى جوندەۋ جوسپارلانعان. وسى جىلدىڭ ەكىنشى توقسانىندا الاتاۋ ش / ا-دا دەنە شىنىقتىرۋ-ساۋىقتىرۋ كەشەنىنىڭ اشىلۋى جوسپارلانعان.
مەديتسينالىق قىزمەت كورسەتۋدىڭ قادامدىق قولجەتىمدىلىگىن قامتاماسىز ەتۋ ءۇشىن وسى جىلدىڭ قاڭتار ايىندا اۋىسىمدا 200 ادام قابىلدايتىن وتباسىلىق-دارىگەرلىك امبۋلاتوريا جانە 2 فەلدشەرلىك-امبۋلاتوريالىق پۋنكت اشىلدى, بۇل كەنساي, كولساي جانە سۇلۋساي شاعىن اۋداندارىنىڭ 15 مىڭنان استام تۇرعىنىن مەديتسينالىق قىزمەت كورسەتۋمەن قامتاماسىز ەتۋگە مۇمكىندىك بەردى.
اۋدان تۇرعىندارىن جايلى ءومىر ءسۇرۋ ورتاسىن جەتىلدىرۋ جانە اباتتاندىرۋ ماسەلەلەرى تولعاندىرادى. وتكەن جىلى وقۋشىلار سارايىنىڭ جانىنداعى سكۆەردى اباتتاندىرۋ جانە كوگالداندىرۋ جۇمىستارى جۇرگىزىلدى. مەملەكەتتىك مۇراجايدىڭ جانىنداعى ساياباقتى قايتا قۇرۋ جالعاسۋدا.
«حالىق قاتىساتىن بيۋدجەت» باعدارلاماسى بويىنشا وتكەن جىلى 19 جوبا ىسكە اسىرىلىپ, 20 اۋلا مەن كىشى الماتى وزەنىنىڭ جاعالاۋى اباتتاندىرىلدى.
الماتى اكىمىمەن كەزدەسۋ بارىسىندا تۇرعىندار جولداردى جوندەۋ, كارىز جانە ەلەكتر جەلىلەرىن اباتتاندىرۋ جانە ت. ب. ماسەلەلەردى كوتەردى.
