«نازارباەۆ زياتكەرلىك مەكتەپتەرى» دببۇ قامقورشىلىق كەڭەسىنىڭ توراعاسى شيگەو كاتسۋ كەڭەس شەشىمىمەن ءانۋار جانعوزين باسقارما توراعاسى بولىپ تاعايىندالعانىن حابارلادى.
شيگەو كاتسۋ كۇلاش شامشيدينوۆاعا بۇگىندە الەمگە جوعارى ستاندارتتارىمەن تانىلىپ, قازاقستاندى جاھاندىق ءبىلىم بەرۋ كەڭىستىگىنە ينتەگراتسيالاعان نازارباەۆ زياتكەرلىك مەكتەپتەرى جۇيەسىن قۇرۋداعى جەتىستىگى ءۇشىن العىسىن ءبىلدىردى.
كۇلاش ءشامشيدينوۆا ءوز سوزىندە NIS-ءتىڭ بارلىق جەتىستىگىنە كوماندالىق جۇمىس پەن كاسىبي ۇجىمنىڭ ارقاسىندا قول جەتكىزىلگەنىن اتاپ ءوتتى.
ءانۋار جانعوزين ماسكەۋ مەملەكەتتىك ۋنيۆەرسيتەتىنىڭ ماتەماتيكا فاكۋلتەتىن, نازارباەۆ ۋنيۆەرسيتەتىنىڭ كەمبريدج ۋنيۆەرسيتەتىمەن بىرلەسە ىسكە اسىرىلعان ء«بىلىم بەرۋدەگى كوشباسشىلىق» باعدارلاماسى بويىنشا ماگيستراتۋراسىن اياقتاعان.
2008 جىلدان باستاپ «نازارباەۆ زياتكەرلىك مەكتەپتەرى» دببۇ جۇيەسىندە مەنەدجەر, اعا مەنەدجەر, دەپارتامەنت ديرەكتورىنىڭ ورىنباسارى, مۇعالىم, استاناداعى NIS IB ديرەكتورى قىزمەتىن اتقارعان.
2016-2019 جىلدارى استانا قالاسىنىڭ ءبىلىم باسقارماسى باسشىسىنىڭ ورىنباسارى جانە باسقارما باسشىسى بولىپ جۇمىس ىستەگەن.
2022-2023 جىلدارى «بولاشاق» حالىقارالىق باعدارلامالار ورتالىعىنىڭ باسقارما توراعاسى بولعان.
ءانۋار جانعوزين الەمدىك دەڭگەيدە اتى شىققان زياتكەرلىك مەكتەپتەردى باسقارۋ ول ءۇشىن ۇلكەن قۇرمەت پەن جاۋاپكەرشىلىك ەكەنىن اتاپ ءوتتى.
