جاستارعا بەرىلگەن «قارماق»

ينفوگرافيكالاردى جاساعان امانگەلدى قياس، «EQ»

بۇل رەتتە ءىس باستاعىسى كەلەتىن ىنتالىلاردى قارجىلاي دەمەپ، تالابىن ۇشتاۋعا باسا كوڭىل بولىنەدى. پرەزيدەنت تاراپىنان مۇنىڭ ناقتى تەتىگى رەتىندە جىلدىق ءوسىمى 2،5 پايىزدان اسپايتىن شاعىن نەسيە بەرۋ ۇسىنىلدى. بيىلدان باستاپ قولعا الىنىپ جاتقان باستاما جاستاردىڭ جولىن اشىپ، كاسىبىنىڭ ورگە باسۋىنا سەپتىگىن تيگىزبەك. ەندەشە، جەڭىلدەتىلگەن نەسيە الۋدان ءۇمىتتى جاستار ناۋرىز ايىنان باستاپ قۇجاتتارىن تاپسىرۋىنا بولادى.

مەملەكەت باسشىسى قاسىم-جومارت توقاەۆ بىلتىرعى جولداۋىندا: «جاستارعا جان-جاقتى قولداۋ كورسەتۋ – مەملەكەتىمىزدىڭ باستى مىندەتىنىڭ ءبىرى. ەڭبەكپەن قامتيتىن ءتۇرلى شارالار ارقىلى كەلەسى جىلى 100 مىڭ جاسقا جۇمىس بەرۋىمىز كەرەك. جاستاردىڭ كاسىپكەرلىك باستامالارىنا قولداۋ كورسەتىلە بەرەدى. ولارعا جەڭىلدەتىلگەن تارتىپپەن جىلدىق ءوسىمى 2،5 پايىز بولاتىن شاعىن نەسيە بەرىلەدى. بۇل شارالار قوعامنىڭ بارىنشا ۇيلەسىمدى ءارى ادىلەتتى بولۋىنا ىقپال ەتەدى»، دەپ اتاپ وتكەن ەدى.

جولداۋ جۇكتەگەن بۇل مىن­دەتتىڭ اياسىندا 2023 جىلدىڭ 1 ناۋرىزىنان باستاپ جاستاردىڭ كاسىپكەرلىك باستامالارىن ىسكە اسىرۋىنا مۇمكىندىك بەرەتىن جەڭىلدەتىلگەن شاعىن نەسيە الۋعا قۇجاتتار قابىلداۋ باس­تالدى. بيىل 2،5% جىلدىق وسىممەن بارلىعى 5 796 نەسيە بەرۋ جوسپارلانىپ وتىر.

شاعىن نەسيە 21 جاستان 35 جاسقا دەيىنگى جاستارعا ءوز ءىسىن اشۋ نەمەسە كەڭەيتۋ ءۇشىن 5 جىلدان اسپايتىن مەرزىممەن جەكە كاسىپكەر رەتىندە تىركەلگەن جاعدايدا بەرىلەدى. بۇل رەتتە قاتىسۋشىلاردىڭ جاسى «اگ­رارلىق كرەديتتىك كورپوراتسيا» اق-قا وتىنىممەن جۇگىنگەن كەزدە ەسكەرىلەدى.

اتالعان نەسيەنىڭ كولەمى – 5 ملن تەڭگەگە دەيىن. ال بۇعان قاتىسۋدىڭ ەڭ ۇزاق مەرزىمى – 5 جىلدان (كەز كەلگەن ماقساتقا) 7 جىلعا دەيىن (مال شارۋاشىلىعى سالاسىنداعى جوبالار ءۇشىن) بولۋى مۇمكىن. نومينالدى سىياقى مولشەرلەمەسى، جوعارىدا كەل­تىرگەندەي، جىلدىق 2،5%-دان اسپايدى.

نەسيە الۋشىلار ءۇشىن نە­گىزگى بورىش پەن سىياقىنى وتەۋ بويىن­شا جەڭىلدىكتى كەزەڭ بەرىلەدى. بۇل نەسيە مەرزىمى ۇزاقتىعىنىڭ ۇشتەن بىرىنەن اسپايدى.

كەپىلمەن قامتاماسىز ەتۋ­دىڭ بولۋى – مىندەتتى شارت. بۇل ءۇشىن جىلجىمالى (ما­مان­داندىرىلعان تەحني­كا) جا­نە جىلجىمايتىن م ۇلىك قابىلدانادى. كەپىلمەن قام­­تا­­ماسىز ەتۋ بول­ماعان جاع­داي­دا كەپىل بەرۋ­شىنى (اتا-انالارىن، تۋىستارىن جانە ت.ب.) تارتۋعا بولادى.

ال ءوتىنىم بەرۋ ءۇشىن قۇ­جاتتار پاكەتىن «اگرارلىق نەسيە كورپوراتسياسى» اق فيليالىنا تاپسىرۋ قاجەت. ءتيىستى قۇجاتتاردىڭ ءتىزىمى ارناۋلى كەستەدە كورسەتىلدى.

شاعىن نەسيەلەر ارنايى كوميسسيانىڭ شەشىمى نەگىزىندە بەرىلەدى. بۇل كوميسسيا وتىرىس­تارىندا ۇمىتكەرلەر وزدەرىنىڭ بيزنەس-جوبالارىن تانىستىرادى. وسىلايشا، نەسيە بەرۋ تۋرالى شەشىم كوميسسيالىق جانە ناقتى ءىس-قيمىل جوس­پا­رى­مەن، وزەكتى، دالەلدى، ەكو­نو­­ميكالىق نەگىزدەلگەن، قو­عام­­­دىق ماڭىزى بار، ومىر­شەڭ بولۋى كەرەك جوبانىڭ پى­سىق­­تالۋىن باعالاۋدىڭ ناق­تى ولشەمشارتتارى نەگىزىندە قابىل­دانادى.

قازىرگى ۋاقىتتا شاعىن نەسيەلەر الۋعا وتىنىمدەر 15 وڭىردە – اقمولا، اقتوبە، ال­ماتى، جەتىسۋ، اباي، جام­بىل، باتىس قازاقستان، قارا­عاندى، ۇلىتاۋ، قوستاناي، قىزىلوردا، ماڭعىستاۋ، پاۆلو­دار، تۇركىستان وبلىستارىندا جانە استانا قالاسىندا قابىلدانادى. قالعان وڭىرلەردە وتىنىمدەردى قابىلداۋ جاقىن ارادا باستالادى. بۇل تۋرالى قوسىمشا حابارلانادى.

«اگرارلىق نەسيە كورپوراتسياسى» اق فيليالدارىنىڭ مەكەنجايلارىن agrocredit.kz/ru/main/contacts/affiliates سايتىنان تابۋعا بولادى.